સેક્સ ન કરવાથી મેનોપોઝની સમસ્યા વહેલી થાય છે, સંશોધનમાં ખુલાસો

એક સંશોધનમાં સામે આવ્યું કે જે મહિલાઓ વધુ માત્રામાં સંભોગ કરે છે અને જેમની સેક્સ્યુઅલ લાઈફ એક્ટિવ હોય છે તેમને પીરિયડ્સની સમસ્યા નથી રહેતી અને મેનોપોઝ વહેલા થવાની શક્યતા ઓછી થાય છે. મહિનામાં એકવાર સેક્સ કરતી મહિલાની સરખામણીએ સપ્તાહમાં એકવાર સેક્સ કરતી મહિલાઓને મેનોપોઝની સમસ્યા 28 ટકા જેટલી ઓછી થઈ જાય છે. શોધકર્તાઓએ કહ્યું કે, ‘સંભોગના ભૌતિક સંકેત શરીરને જણાવી શકે છે કે મહિલામાં હજુ ગર્ભવતી થવાની શક્યતા છે.’

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

આ અભ્યાસમાં જણાવાયું છે કે જે મહિલાઓ મિડ લાઈફમાં વારંવાર સંભોગ નથી કરતી તેમને જલ્દીથી મેનોપોઝની શક્યતા રહે છે. યુનિવર્સિટી કોલોજ ઓફ લંડનના અભ્યાસકર્તા મેગન અર્નોટે કહ્યું કે, ‘અભ્યાસના નિષ્કર્ષ જણાવે છે કે જો કોઈ મહિલા શારીરિક સંબંધ નથી બનાવતી અને ગર્ભધારણની કોઈ શક્યતા નથી તો શરીર ઓવ્યુલેશન બંધ કરી દે છે. કેમ કે શરીર સમજે છે કે આ નકામી પ્રક્રિયા છે.’

અભ્યાસમાં કહેવાયું કે, ‘ઓવ્યુલેશન દરમિયાન મહિલાઓમાં રોગપ્રતિકારક શક્તિ નબળી પડી જાય છે જેથી શરીરમાં બીમારીની શક્યતા વધી જાય છે. આ અભ્યાસ માટે 2936 મહિલાઓને પર સંશોધન કરવામાં આવ્યું હતું. જેમાં અભ્યાસ દરમિયાન મહિલાને અનેક સવાલ કરવામાં આવ્યા હતા. જેમાં તેમના શારીરિક સંબંધોની પેટર્ન જાણવામાં આવી હતી. જેમાં યૌન સંબંધ, મુખ મૈથુન, સ્પર્શ, હસ્તમૈથુન અંગે જુદા જુદા સવાલ કરવામાં આવ્યા હતા અને તેના આધારે ભેગી કરવામાં આવેલ માહિતીને અનુલક્ષીને આ સંશોધકો આ તારણ પર આવ્યા હતા.’

source https://www.iamgujarat.com/health-news/study-indicates-woman-with-less-bedroom-life-are-face-early-menopause-506375/