વાળમાં લગાવો ભાતનું પાણી ક્યારેય હેર ફોલ નહીં થાય

પોતાની એન્ટિઓક્સિડેન્ટ પ્રોપર્ટિઝ અને ન્યુટ્રિશનથી ભરપૂર હોવાના કારણે ભાતનું પાણી સ્કિન અને વાળ બંનેના આરોગ્ય માટે ખૂબ જ ઉત્તમ છે. ભાતના પાણીનું નિયમિત સેવન ફક્ત આરોગ્ય સુધારે છે તેટલું જ નહીં પરંતુ તમારી ત્વચા પણ ગ્લોઇંગ અને હેલ્ધી બનાવે છે. જો તમે ખરતા વાળની સમસ્યાથી પરેશાન છો તો આ ભાતના ઓસામણથી વાળ ધોવા તમારી મુશ્કેલીને દૂર કરી શકે છે. આવું હેલ્થ અને બ્યુટી એક્સપર્ટનું પણ માનવું છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

આ રીતે કરે છે કામ

એક્સપર્ટ્સનું માનવું છે કે ચોખામાં લગભગ 75-80 ટકા સ્ટાર્ચ હોય છે. તેવામાં ભાતનું ઓસામણ ખુલ્લા વાસણમાં ભાત બનાવતા સમયે તૈયાર થયેલ ચોખાનું સ્ટાર્ચ યુક્ત પાણી હોય છે. જેને સ્ટોર કરવું અને વધારેવાર સાચવી રાખવું મુશ્કેલ પડે છે. આ કારણે જ ખૂબ ઉપયોગી હોવા છતા હજુ પણ બ્યુટી પ્રોડક્ટમાં તેનો ઉપયોગ કરવો શક્ય બન્યો નથી. જોકે કોસ્મેટિક સાયન્ટિસ્ટ આ દિશામાં સતત કામ કરી રહ્યા છે.

ભાતના ઓસામણમાં વિટામિન-ઈ, વિટામિન-બી, એમીનો એસિડ અને મિનરલ્સ ભરપૂર માત્રામાં હોય છે. સાથે જ તે એન્ટિબાયોટિક્સથી ભરપૂર હોય છે. આ કારણે જ તે આપણી ત્વચા અને વાળ માટે એક ઉત્તમ પોષક તત્વ સાબિત થાય છે. શોધકર્તાઓનું કહેવું છે કે સાતમી સદીથી લઈને 11મી સદીના અંત સુધી જાપાનમાં મહિલાઓ ખૂબ લાંબા વાળ રાખતી હતી. તેમના આ લાંબા વાળનું રહસ્ય ભાતનું ઓસામણ હતું. કેમ કે તેઓ આ ઓસામણથી જ પોતાના વાળ ધોતી હતી.

ભાતના ઓસામણમાં સેલ્ફ લાઈફ જરા પણ હોતી નથી. જેથી તેને તરત જ ઉપયોગ કરવામાં આવે છે. સાથે જ તેની ઈફેક્ટ્સ પર પણ અનેક સંશોધન કરવાની જરુર છે. જોકે બ્યુટી એક્સપર્ટનું માનીએ તો ભાતનું ઓસામણ એક નેચરલ કંડિશનરનું કામ કરે છે. તેમજ પૂર્ણરુપે કેમિકલ ફ્રી હોય છે.

– આ વાળને બે મોઢાવાળા થતા રોકે છે. જેને સ્પ્લિટ હેર કહેવાય છે.

– વાળની ચમક વધારે છે.

– વાળને સોફ્ટ અને સ્મૂધ બનાવે છે.

– વાળના સ્કાલ્પને મજબૂત કરીને તેના ખરવાને અટકાવે છે.

– માથાની ત્વચાને પોષણ આપીને વાળની લંબાઈ વધારે છે.

શું કહે છે સંશોધકો?

ભાતનું ઓસામણ વાળમાં ઇલાસ્ટિસિટી વધારવા અને ફ્રિક્શન ઓછું કરવામાં મદદરુપે છે. જોકે વાળના ગ્રોથ અને ઓસામણ વચ્ચેના સંબંધોને લઈને હજુ ઘણી શોધ બાકી છે. પરંતુ આપણે ત્યાં પણ અંતરિયાળ ગ્રામ્ય વિસ્તારોમાં હજુ થોડ દશક પહેલા સુધી મહિલાઓ ભાતના ઓસામણથી જ વાળ ધોતી હતી.

કઈ રીતે બનાવશો આ ઓસામણ?

હવે તો મોટાભાગને પ્રેશર કુકરનો ઉપયોગ થાય છે. તેથી ભાતનું ઓસામણ બનાવવા માટે એક વાસણમાં અડધો કપ ચોખા અને દોઢકપ પાણી નાખીને ગેસ પર ગરમ કરવા મુકો. આ દરમિયાન ગેસને ધીમો રાખો અને ચોખા બળી ન જાય માટે થોડી થોડીવારે હલાવતા રહો.

જ્યારે ચોખા સારી રીતે ગળી જાય ત્યારે તેને એક ગરણી વડે ગાળીને સ્ટાર્ચને અલગ કરી દો. આ ભાતનો ઉપયોગ તમે ખાવામાં કરી શકો છો. સ્ટાર્ચને થંડુ પડવા દો પછી તેનો ઉપયોગ વાળ પર કરો. પહેલા તો રેગ્યુલર શેમ્પૂ વડે વાળને ધોઈ લો. ત્યારબાદ વાળ અને તેના મૂળમાં ભાતનું ઓસામમ લગાવો. જે બાદ 20 મિનિટ માટે એમ જ રહેવા દો.

હવે થોડા નવસેકા ગરમ પાણીથી વાળને ધોઈ લો. આ સમયે શેમ્પૂનો ઉપયોગ ન કરો. વાળને ઘસીને લૂછો નહીં. સુકાવા દો. તમારા વાળ વધુ સિલ્કી અને સ્મૂધ લાગશે. સાથે સાથે ધીરે ધીરે વાળના મૂળ પણ મજબૂત બનશે. વધારે સારા પરિણામ માટે સપ્તાહમાં ઓછામાં ઓછું બેવાર ભાતના ઓસામણનો ઉપયોગ કરો. જોકે તમે દરરોજ ઉપયોગ કરો તો પણ કોઈ વાંધો નથી પરંતુ દરરોજ શેમ્પૂ કરવાની જરુરિયાત નથી.

source https://www.iamgujarat.com/health-news/rice-starch-can-be-very-helpful-to-reduce-hair-fall-530139/