કોરોના વાયરસ શરીરમાં આવતા જ દેખાય છે આ લક્ષણો

દુનિયા સામે કોરોના વાયરસ રુપે એક નવો જ રોગ આવીને ઉભો છે. ચીનનું વુહાન આ વાયરસ માટે ગ્રાન્ડ ઝીરો છે. અહીંથી શરું થયેલ આ વાયરસનો ચેપ ધીરે ધીરે સમગ્ર ચીનમાં ફેલાઈ રહ્યો છે તેની સાથે સાથે દક્ષિણ પૂર્વ અને મધ્ય એશિયા અને યુરોપના કેટલાક વિસ્તારોમાં પણ આ વાયરસે દેખા દીધી છે. એકલા ચીનમાં જ અત્યાર સુધીમાં આ વાયરસથી 425 લોકોના મોત નીપજ્યા છે. દુનિયાભરના વૈજ્ઞાનિકો આ રોગનો ઈલાજ શોધવા માટે દિવસરાત મહેનત કરી રહ્યા છે. જોકે હજુ સુધી કોઈને સફળતા મળી નથી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ત્યારે આવો જાણીએ કે કોરોના વાયરસની અસર થાય તો તમારા શરીરમાં કેવા પ્રકારના ફેરફાર થાય છે અને વારયસના ફેલાવા બાદ શરીરમાં તેના ક્યા ક્યા લક્ષણ જોવા મળે છે. કોરોના વાયરસગ્રસ્ત તમામ દર્દીઓમાં શરદી, ઉધરસ સાથે નિમોનિયાના લક્ષણ જોવા મળે છે. તેમજ દર્દીઓના ફેંફસામાં પાણીનો ભરાવો જોવા મળે છે.

કોરોનાના દર્દીઓમાં તાવ, ઉધરસ જેવી સમસ્યા જોવા મળે છે. આ ઉપરાંત શ્વાસ લેવામાં પણ મુશ્કેલી જોવા મળે છે. કોરોનાથી ગ્રસિત અનેક દર્દીઓએ જણાવ્યું કે તેમની માંસપેશિઓ અને માથામાં ખૂબજ ભયંકર દુખાવો થાય છે. જ્યારે કેટલાકને ગળામાં સોજો આવે છે. કોરોનાથી ગ્રસીત પ્રથમ 99 દર્દીઓ અંગે જાણીતા મેડિકલ જર્નલ લાંસેટમાં માહિતી પ્રકાશીત કરવામાં આવી છે.

કોરોના વાયરસની ઝપેટમાં આવીને મરનારા પહેલા બે દર્દીઓને આ પહેલા ક્યારેય કોઈ ઘાતક બીમારી થઈ નહોતી. પરંતુ બંને દર્દીને સિગરેટ પીવાની આદત હતી. જેના કારણે તેમના ફેંફસા નબળા પડી ગયા હતા અને કોરોના વાયરસે તેમને જલ્દી પોતાના શીકાર બનાવ્યા.

તેમજ બાકીના દર્દીઓમાં પહેલાથી જ કોઈને કોઈ બીમારી હતી જેના કારણે તેઓ વાયરસની ઝપેટમાં જલ્દી આવી ગયા હતા. જેમની રોગપ્રતિકારક ક્ષમતા નબળી હોય છે તેમનામાં કોરોના વાયરસનું સંક્રમણ જલ્દી ફેલાય છે.

કોરોના વાયરસથી બચવાના ઉપાય

આ વાયરસનું સંક્રમણ પ્રભાવિત વ્યક્તિના સંપર્કમાં આવવાથી વધુ ઝડપે ફેલાય છે. માટે જ્યારે પણ ભીડવાળી જગ્યાએ જવાનું થાય તો ચહેરા પર માસ્ક રાખો. જરુરી ન હોય ત્યાં સુધી ભીડભાડવાળી જગ્યાએ જવાનું ટાળો. ઉધરસ અને છીંક ખાતી વખતે પોતાના મોઢા અને નાકને ઢાંકીને રાખો. નાક, કાન, મોઢાનો સ્પર્શ કરતા પહેલા અને બાદમાં હાથને સાબૂ તેમજ પાણીથી સરખી રીતે ધુઓ.

Video: શું છે કોરોના વાયરસ? કેમ ડરે છે બધા દેશ?

source https://www.iamgujarat.com/health-news/these-are-the-symptoms-that-person-is-infected-with-corona-virus-519335/