46 વર્ષની ઉંમરે પણ એકદમ યુવાન દેખાય છે ઐશ્વર્યા રાય, આ છે તેનું બ્યૂટી સિક્રેટ

દુનિયાની સૌથી સુંદર મહિલા હોવાનો તાજ પોતાના નામે કરી ચૂકેલી ઐશ્વર્યા રાયની ગણતરી આજે પણ સુંદર હીરોઈનોમાં થાય છે. ઐશ્વર્યા રાયની ઉંમર 46 વર્ષ છે તેમ છતાં તેના ચહેરા પરથી ઉંમર જણાતી નથી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

દેસી ગર્લ છે ઐશ્વર્યા
ઐશ્વર્યા કેટલીક નેશનલ અને ઈન્ટરનેશનલ બ્યૂટી બ્રાન્ડ્સની એમ્બેસેડર રહી ચૂકી છે. તેથી તે મોંઘા બ્યૂટી પ્રોડક્ટ્સ અને કોસ્મેટિક્સ વાપરતી હશે તેવો વિચાર આવે તે સ્વાભાવિક છે. પરંતુ આવું બિલકુલ નથી. દુનિયાભરમાં સુંદરતા અને ટેલેન્ટથી પોતાના નામનો ડંકો વગાડનારી ઐશ્વર્યા દેસી ગર્લ છે.

ફેવરિટ બ્યૂટી પેક
ઐશ્વર્યા કેટલીક બ્યૂટી બ્રાન્ડ્સને રિપ્રેઝન્ટ કરે છે અને કેટવાક મોંઘા બ્યૂટી પ્રોડક્ટ્સનો શૂટિંગના કારણે ઉપયોગ પણ કરે છે. પરંતુ જ્યારે વાત સ્કિન કેરની આવે છે ત્યારે તે ઘરગથ્થું ઉપચારનો ઉપયોગ કરે છે.

આ રીતે બનાવે છે પેક
ઐશ્વર્યા પોતાની સ્કિનની દેખરેખ માટે બેસન, દૂધ અને હળદરને મિક્સ કરીને ફેસપેક તૈયાર કરે છે. આ પેક એક દિવસ છોડીને એક દિવસે લગાવે છે. સ્કિનને પોષણ આપવા માટે અઠવાડિયામાં એકવાર દહીંનું માસ્ક પણ ચહેરા પર લગાવે છે. એટલે કે એક દિવસ દહીં અને એક દિવસ દૂધ-બેસનનું પેક.

ખીરા માસ્ક છે ફેવરિટ
સ્કિનનો થાક દૂર કરવા અને પોલ્યૂશનની અસર દૂર કરવા માટે ઐશ્વર્યા તાજી અને ફ્રેશ ખીરા કાકડીનું માસ્ક ચહેરા પર લગાવે છે. તેનું કહેવું છે કે સ્કિન પ્રોબ્લેમથી દૂર રહેવા માટે દિવસમાં એકવાર આ માસ્ક લગાવવું જરૂરી છે.

મોઈશ્ચરાઈઝિંગનું ધ્યાન
રેગ્યુલર ફેસ વોશ, મેકઅપનો ઓછામાં ઓછો ઉપયોગ અને સમય-સમય પર સ્કિનને મોઈશ્ચરાઈઝ કરવું તે ઐશ્વર્યાની ગ્લોઈંગ સ્કિનનું સિક્રેટ છે. તેનું કહેવું છે કે, સ્કિનની દેખરેખ માટે હું જે બ્યૂટી રેઝીમને ફોલો કરું છું, તેમાં મોટાભાગે નેચરલ વસ્તુ સામેલ છે.

હેલ્ધી સ્કિન માટે
ઐશ્વર્યાનું કહેવું છે કે આપણી સ્કિન ત્યારે જ સુંદર દેખાય છે જ્યારે તે અંદરથી પણ હેલ્ધી હોય. તેવામાં જરૂરી છે કે આપણે સારો અને પોષક તત્વોથી ભરપૂર ખોરાક લઈએ. ઐશ્વર્યા ડાયટ પર પૂરું ધ્યાન આપે છે.

આ સાથે નથી લેવા-દેવા
ઐશ્વર્યાનું માનવું છે કે, ગ્લોઈંગ અને નેચરલ બ્યૂટિફુલ સ્કિન માટે સ્મોકિંગ અને આલ્કોહોલથી દૂર રહેવું જોઈએ. ઐશ્વર્યાને ઘરે બનેલું ભોજન જ પસંદ છે. સાથે જ દિવસ દમરિયાન વધારે પાણી પીવે છે. જેથી, શરીરમાંથી ટોક્સિન્સ બહાર નીકળતા રહે. ઐશ્વર્યાનું કહેવું છે કે સિમ્પલ અને નેચરલ રીતે જીવવું તે જ તેને ફિટ અને સુંદર બનાવે છે.

… ફંડા ક્લિયર હૈ
ઐશ્વર્યાની આ બ્યૂટી રેઝીમ અને સ્કિન કેર સીક્રેટ્સ વિશે જાણીને તે સ્પષ્ટ થાય છે કે સુંદર દેખાવા માટે પોતાના શરીરની દેખરેખ રાખવી જરૂરી છે. મોંઘા બ્યૂટી પ્રોડક્ટ્સનો ઉપયોગ કરીને જ સુંદર દેખાઈ શકીએ તે જરૂરી નથી.

સારા હેલ્થ અને ગ્લોઈંગ સ્કિન ખાટે ખાઓ પીળા ફ્રૂટ અને શાકભાજી

source https://www.iamgujarat.com/health-news/beauty-secrets-and-skin-care-tips-by-aishwarya-rai-534935/