જાણે-અજાણ્યે તમે કલાકમાં કેટલીવાર ચહેરાને સ્પર્શો છો ખબર છે? આંકડો અચંબિત કરશે

દુનિયાભરમાં કોરોના વાયરસનો ફેલાવો થયો છે ત્યારથી તમે સાંભળ્યું હશે કે હાથ વારંવાર ધોવો. તમારા હાથનો ચહેરા પર સ્પર્શ ના થાય તેની કાળજી રાખો. કોરોના વાયરસથી બચવા માટે દર 20 મિનિટ હાથ ધોવાની શિખામણ આપવા પાછળ એક કારણ રહેલું છે. તમે જ્યારે તમારા હાથથી નાક, આંખ કે મોંને સ્પર્શ કરો છો ત્યારે કોરાના વાયરસ તમારા શરીરમાં પ્રવેશી શકે છે. પરંતુ શું તમે જાણો છો કે આપણે ખરેખર આપણા ચહેરાને કેટલીવાર અડીએ છીએ? આ સાવ સામાન્ય વાત છે ને ક્યારેય આ બાબત ધ્યાનમાં પણ નહીં આવી હોય. પરંતુ હવે આ જાણવું અગત્યનું બની ગયું છે. આ બાબતે કરવામાં આવેલા સ્ટડીનું પરિણામ જાણીને તમને ચોક્કસ નવાઈ લાગશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

સ્ટડી પ્રમાણે, તમે ગમે તેટલીવાર તમારા હાથ સાફ કરો પરંતુ તમારા શરીરમાં ઈન્ફેક્શન જતું અટકાવી શકતાં નથી. એટલે જ તમારા ચહેરાને હાથથી સ્પર્શ ના કરવો એ સૌથી શ્રેષ્ઠ ઉપાય છે. જો કે, આ વાત કહેવી સરળ છે પરંતુ અમલમાં મૂકવી મુશ્કેલ છે. ઘણીવાર આપણું ધ્યાન પણ નથી હોતું ને આપણો હાથ ચહેરા પર હોય છે.

એક વિશ્વસનીય સૂત્રએ ઓસ્ટ્રેલિયાની મેડિકલ યુનિવર્સિટીના 26 વિદ્યાર્થીઓનું નિરીક્ષણ કર્યું. જેમાં જાણવા મળ્યું કે એક કલાકમાં તેઓ 23 વખત પોતાના ચહેરાને અડ્યા હતા. 2015ના એક સ્ટડી પ્રમાણે, ચહેરાને આપણે જેટલીવાર સ્પર્શીએ છીએ તેમાંથી અડધાથી વધુ વખત આપણે આંખ, નાક કે મોં પર હાથ ફેરવીએ છીએ. આ ત્રણેય અંગ એવા છે જ્યાંથી વાયરસ સરળતાથી આપણા શરીરમાં પ્રવેશી શકે છે.

2008ના સ્ટડીમાં હાથથી ચહેરાને કેટલીવાર સ્પર્શવામાં આવે છે અને તેનાથી શ્વસનતંત્રને લગતા ઈન્ફેક્શનનું જોખમ કેટલું છે તેનો અભ્યાસ કરવામાં આવ્યો હતો. જે મુજબ, ઓફિસ જતાં લોકોમાં હાથથી ચહેરાને સ્પર્શ કરવાનું જોખમ ખૂબ વધારે છે. 10 અલગ અલગ લોકોના ગ્રુપને ઓફિસના સમયમાં 3 કલાક સુધી ઓબ્ઝર્વ કરવામાં આવ્યા. જેમાં જાણવા મળ્યું કે તેઓ એક કલાકમાં સરેરાશ 16 વખત પોતાના ચહેરાને અડે છે.

2014માં એક મેડિકલ ગ્રુપનો અભ્યાસ કરવામાં આવ્યો. તેઓ વધુ કાળજી રાખતા હશે તેવી અપેક્ષા હતી પરંતુ જાણવા મળ્યું કે, બે કલાકના સમયમાં સરેરાશ 19 વખત ચહેરાને સ્પર્શ કર્યો હતો. સાથે હાથની સ્વચ્છતા પ્રત્યે તેઓ ખાસ સભાન નહોતા.

સોર્સ: www.ajicjournal.org, મીડિયા રિપોર્ટ્સ.

લૉકડાઉનમાં પોલીસના ડંડાથી બચવા આ ભાઈએ શોધ્યો ગજબનો જુગાડ

source https://www.iamgujarat.com/health-news/you-touch-your-face-23-times-in-an-hour-538527/