શું મચ્છર કરડવાથી કોરોના વાયરસ એક વ્યક્તિમાંથી બીજામાં ફેલાય છે?

કોવિડ 19 એટલે કોરોના વાયરસના કારણે લોકોમાં ભય ઊભો થયો છે. ત્યારે તેનાથી કેવી રીતે બચી શકાય તેમજ તે કેવી રીતે ફેલાય છે, તે અંગે લોકો ઈન્ટરનેટ પર સર્ચ કરી રહ્યા છે. આ સિવાય કોરોના વાયરસને લઈને કેટલીક અફવાઓ પણ ઊડી રહી છે, જેમ કે, આવું કરવાથી વાયરસ શરીરમાં પ્રવેશે છે, આમ કરવાથી નથી પ્રવેશતો. આ સમયમાં લોકોને જાગૃત કરવાની દિશામાં અમારું સહયોગી અખબાર અમદાવાદ મિરર કામ કરી રહ્યું છે. તો વાંચકો તરફથી પણ તેને લગતા કેટલાક સવાલ આવી રહ્યા છે, જેમાંથી એક સવાલનો જવાબ અમે તમને અહીં જણાવી રહ્યા છીએ.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

વાંચકનો સવાલઃ
શું મચ્છર વિવિધ પ્રકારના વાયરસ લાવી શકે છે? શું તે કોરોના વાયરસને પણ ટ્રાન્સમિટ કરવામાં ભૂમિકા ભજવે છે? અમદાવાદમાં હાલમાં કમોસમી વરસાદ પડ્યો, જેના કારણે મચ્છરના બ્રીડિંગ વધશે. શું આ ચિંતાનું કારણ છે? -શ્રૃતિ પિલ્લઈ, BBA

નિષ્ણાતોનો જવાબઃ
મચ્છરના કરડવાથી કોરોના વાયરસ ટ્રાન્સમિટ થતો નથી. આજ દિન સુધી મચ્છર દ્વારા કોરોના વાયરસ ટ્રાન્સમિટ થાય છે તેવી કોઈ જ માહિતી કે પૂરાવો નથી. ‘આપણા બધાની જાણ માટે, કોરોના વાયરસ તે નથી જે મચ્છરના એક વ્યક્તિને કરડવાથી ફેલાય છે અને પછી તે બીજામાં ટ્રાન્સમિટ થાય છે’, તેમ લી કાઉન્ટી મોસ્કીટો કંટ્રોલ ડિસ્ટ્રિક્ટના (Lee County Mosquito Control District) ડેપ્યુટી ડાયરેક્ટર એરિક જેક્સને કહ્યું.

કોરોના વાયરસ શ્વાસોચ્છ્વાસના કારણે ફેલાતો વાયરસ છે. જો કોઈ સંક્રમિત વ્યક્તિ શરદી-ઉધરસ કે પછી છીંક ખાતી વખતે મોં આગળ રૂમાલ કે હાથ નથી રાખતો તો પછી તે વાયરસ તેનામાંથી બીજી વ્યક્તિમાં ફેલાય છે. પોતાને સુરક્ષિત રાખવા માટે હેન્ડ સેનિટાઈઝર અથવા તો સ્વચ્છ પાણી અને સાબુથી વારંવાર હાથ ધુઓ. આ સિવાય જે વ્યક્તિને શરદી-ઉધરસ છે તેનાથી દૂર રહો.
-WHO and nbc-2.com

અમદાવાદઃ કોરોનાથી મૃત્યુ પામનારની અંતિમવિધી અંગે કાગડાપીઠ પોલીસ સ્ટેશનના PSIએ ફેલાવી જાગૃતિ

source https://www.iamgujarat.com/health-news/can-the-new-coronavirus-be-transmitted-through-mosquito-bites-538933/