ઓફિસમાં કોરોના વાયરસ ન ફેલાય તે માટે આ બાબતોનું રાખો ધ્યાન

કોરોના વાયરસ 75 દેશોમાં ફેલાઈ ચૂક્યો છે. આ વાયરસના કારણે અત્યારસુધીમાં 3 હજાર જેટલા લોકોના મોત થયા છે જ્યારે 90 હજારથી વધુ લોકો સંક્રમિત થયા છે. આ આંકડો સતત વધી રહ્યો છે. તેવામાં તે જાણી લેવું ખૂબ જ જરૂરી છે કે ડરવાથી તેનો ઉકેલ આવશે નહીં. આ માટે જાગૃત થવું જરૂરી છે.

બેઝિક ગાઈડલાઈન્સથી ઈન્ફેક્શનને રોકી શકાય છે
કોરોના વાયરસની ગંભીરતાને જોતા ખૂબ જ જરૂરી છે કે તમે તમારા ઘરની સાથે-સાથે ઓફિસ તેમજ વર્કપ્લેસની સાફ-સફાઈ અને હાઈઝીન પર પણ ધ્યાન આપો. ઓફિસમાં લોકો વધારે હોય છે તેથી ઈન્ફેક્શન ફેલાવાનો ખતરો પણ વધારે રહે છે. તેવામાં WHO અને અન્ય પબ્લિક હેલ્થ ઓથોરિટીએ કેટલીક બેઝિક ગાઈડલાઈન્સ જાહેર કરી છે. જેને ફોલો કરીને તમે માત્ર કોરોના વાયરસથી જ નહીં પરંતુ કેટલાક પ્રકારના ઈન્ફેક્શનને પણ ફેલાતા રોકી શકો છો.

ડેસ્કને રાખો સાફ
ઓફિસમાં જ્યાં તમે બેસીને કામ કરો છે તે ડેસ્કને સાફ રાખવું. આ ઉપરાંત ટેબલ તેમજ ટેલિફોન, લેપટોપ, કીબોર્ડ, માઉસને કિટાણુંનાશકથી સાફ કરો. આમ કરવું એટલા માટે જરૂરી છે કે કોઈ વ્યક્તિ ઉધરસ કે છીંક ખાય છે તો તે વસ્તુ પર તેના કિટાણું લાંબા સમય સુધી ચોંટેલા રહે છે અને તે તમને બીમાર બનાવી શકે છે.

રેગ્યુલર હેન્ડ વોશિંગ અને સેનિટાઈઝિંગને કરો પ્રમોટ
ઓફિસ અને વર્કપ્લેસ પર પોસ્ટર્સ અને બેનર્સ દ્વારા કર્મચારીઓને નિયમિત રીતે હેન્ડ વોશ કરવા માટે પ્રેરિત કરો. આ સિવાય હેન્ડ સેનિટાઈઝર્સને વર્ક પ્લેસ પર રાખો. જેથી અન્ય લોકો પણ તેનો ઉપયોગ કરી શકે. કોરોના વાયરસને ફેલાતો રોકવા માટે આ બેસ્ટ રીત છે. તમારા હાથની સાફ-સફાઈનું પૂરતું ધ્યાન રાખો.

ડિસ્પોઝેબલ વાઈપ્સનો કરો ઉપયોગ
સેન્ટર ફોર ડિસીઝ કંટ્રોલ એન્ડ પ્રિવેન્શનનું માનીએ તો ઓફિસમાં કર્મચારીઓને ડિસ્પોઝેબલ વાઈપ્સ આપવા જોઈએ. જેથી તેઓ સામાન્ય જગ્યા જેમ કે, દરવાજાનું હેન્ડલ, લિફ્ટનું બટન, રિમોટ કંટ્રોલ તેમજ ડેસ્કને અડતાં પહેલા વાઈપ્સથી સાફ કરી લે. આમ કરવાથી કોરોના વાયરસને ફેલાતો રોકી શકાય છે.

શ્વસન સંબંધી સાફ-સફાઈનું રાખો ધ્યાન
એ વાતનું પૂરું ધ્યાન રાખો કે તમારી ઓફિસ અને વર્કપ્લેસ પર ટિશ્યૂ પેપર ઉપલબ્ધ હોય જેથી જે લોકો શરદી-ઉધરસ કે પછી નાક વહી રહ્યું છે તે તેનો ઉપયોગ કરી શકે. જરૂરી નથી કે જેને શરદી-ઉધરસ છે તેને કોરોના વાયરસ જ હશે, પરંતુ બદલાતી સીઝનમાં સામાન્ય ફ્લૂ પણ થઈ શકે છે. તેવામાં રેસ્પિરેટરી હાઈઝીનનું ધ્યાન રાખીને તમે બીમાર નહીં પડો અને બીજાને પણ બચાવી શકશો.

તબિયત ખરાબ હોય તો ઘરે જ રહો
જો તમારી સાથે કામ કરતાં કર્મચારીમાં સામાન્ય લક્ષણ પણ દેખાઈ તો તેમને ઘરે આરામ કરવાની સલાહ આપો. આમ કરવાથી ઈન્ફેક્શનને ફેલાતું રોકી શકાશે.

ઈરાનમાં કોરોના વાયરસથી સંક્રમિત દર્દીઓની સારવાર વખતે નર્સ-ડોક્ટરે કર્યો ડાન્સ 

source https://www.iamgujarat.com/health-news/simple-ways-to-prevent-the-spread-of-coronavirus-in-your-workplace-531703/