બોય્ઝ માટે ખાસ છે આ ફેસ માસ્ક, થોડા દિવસમાં જ દેખાશો હેન્ડસમ

સુંદર દેખાવું ફક્ત સ્ત્રીને નહીં પણ પુરુષો માટે પણ જરુરી છે. હેન્ડસમ દેખાવું દરેક યુવાન કે પુરુષને ગમે છે. એટલે જ માર્કેટમાં હવે ખાસ પુરુષોને ધ્યાને રાખીને પણ સૌંદર્ય પ્રસાધનો લોન્ચ કરવામાં આવે છે અને તેની જાહેરાત માટે લાખો કરોડો રુપિયા પણ ખર્ચ કરવામાં આવે છે. પરંતુ બજારમાં મળતા આ મોંઘા ક્રીમ કરતા કેટલાક દેશી ઉપચાર દ્વારા પુરુષો પણ મેળવી શકે છે હેન્ડસમ એન્ડ ફેર લુક.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

બોય્ઝે દરરોજ ઓછામાં ઓછી 15 મિનિટ સુધી દેશી ઘીના કેટલાક ટીંપા હથેળીમાં લઈ ચહેરા અને ગરદન પર મસાજ કરવી જોઈએ. દેશી ઘી એક ખૂબ જ અસરકારક સ્કિન કેર પ્રોડક્ટ છે. ખાસ કરીને છોકરાઓની સ્કિન માટે કેમ કે છોકરાઓના ચહેરા પર દાઢીના કારણે તેમના ચહેરાની દેખભાળ રાખવી ખૂબ જ જરુરી હોય છે. સાથે જ બોય્ઝની સ્કીનને ગર્લ્સની સ્કિન કરતા અલગ અને વધારે મોઇશ્ચરાઇઝેશનની જરુર હોય છે. તેવામાં છોકરાઓ માટે ઘી એક સારો વિકલ્પ છે જે તેમની સ્કીનને વધુમાં વધુ પોષણ આપે છે. દેશી ઘી પૂર્ણરુપે કેમિકલ ફ્રી હોવા સાથે સ્કિનને કુદરતી રીતે જ સ્મૂધ અને સપલ બનાવવામાં મદદરુપ થાય છે.

દેશી ઘી આમ તો દરેકની સ્કિન માટે ખૂબ જ ફાયદાકારક છે. પરંતુ બોય્ઝ માટે અન્ય તમામ બ્યુટી પ્રોડ્કટ કરતા સૌથી વધુ અસરકારક સાબિત થાય છે. બોય્ઝના ચહેરા પર દાઢી હોવાના કારણે પોતાની સ્કિનને વધુ સોફ્ટ, સપલ અને ગ્લોઇંગ બનાવવા માટે ઇફેક્ટિવ નરિશમેન્ટની જરુર પડે છે. જે મામલે દેશી ઘીથી સારો વિકલ્પ કોઈ નથી.

હેલ્થ કેરના દરેક બાબતે અસરદાર

દેશી ઘી અને તેમાં પણ ખાસ કરીને ગાયના દૂધમાંથી તૈયાર કરવામાં આવેલ ઘી આપણા આરોગ્ય માટે ખૂબ જ ઉત્તમ છે. આ ઘીથી જેટલો ફાયદો આપણી ફિઝિકલ હેલ્થ માટે થાય છે તેટલો જ ફાયદો મેન્ટલ હેલ્થ માટે પણ થાય છે. તેમજ એ જ રીતે સુંદરતાને પણ તેના નેક્સ્ટ લેવલ પર લઈ જવા માટે દેશી ઘી ખૂબ જ અસરકાર રહે છે. કેમ કે તે ઓર્ગેનિક મોઇશ્ચરાઇઝિંગ એલિમેન્ટ્સથી ભરપૂર હોય છે.

દેશી ઘી ફેસ માસ્ક બનાવવાની વિધિ

રાતના પલાળીને રાખેલ 2-3 ચમચી મગની દાળને સવારે મિક્સરમાં વાટી લો. હવે આ દાળમાં એક ચમચી દેશી ઘી મેળવો. તૈયાર છે તમારું ફેસ માસ્ક. આ ફેસ માસ્ક 25થી 30 મિનિટ માટે ચહેરા અને ગર્દન પર લગાવો. ત્યારબાદ હુંફાળા પાણીથી ચહેરાને ધોઈને સાફ કરી લો. આ માસ્ક સપ્તાહમાં ત્રણવાર લગાવવાથી તમને ફક્ત સ્કિનમાં ચમક જ નહીં દેખાય પરંતુ એકદમ સ્મૂધ થયેલી પણ દેખાશે. તેમજ તમારી દાઢીના વાળ પણ ખૂબ સોફ્ટ થશે. જેના કારણે તમને શેવિંગમાં પણ સરળથા રહેશે અને શેવિંગ બાદ સ્કિન એકદમ ગ્લોઇંગ કરશે.

– દેશી ઘી સ્કિનના ડેડ સેલ્સને દૂર કરવાનું કામ કરે છે. તે અંદરની સોફ્ટ અને ક્લિયર સ્કિન પર એક પ્રોટેક્શન લેયર તૈયાર કરે છે. દેશી ઘી ડેમેજ સ્કિન સેલ્સને રિપેર કરવાનું કામ કરે છે. જે પુરુષ દર રોજ 15 મિનિટ પોતાના ચહેરા અને ગર્દન પર દેશી ઘીથી મસાજ કરે છે. તેના ચહેરા પણ એક અલગ જ પ્રકારની આકર્ષક ચમક જોવા મળે છે.

– દેશી ઘીમાં ત્વચા માટે ખૂબ જરુરી વિટામિન ઈ હોય છે. જે સ્કિન માટે એન્ટિએજિંગનું કામ કરે છે. એટલે કે વધતી ઉંમરની અસર ત્વચા પર જલ્દી દેખાતી નથી.

– આજકાલ લેપટોપ અને મોબાઈલનો ખૂબ જ ઉપયોગ વધી ગયો છે. આ કારણે આંખની આસપાસની નાજૂક ત્વચાનો રંગ જલ્દી ડાર્ક થઈ જાય છે. જે ધીરે ધીરે ડાર્ક સર્કલ બની જાય છે. દેશી ઘીથી આંખની ફરતે હળવા હાથે મસાજ કરવાથી ધીરે ધીરે આ ડાર્ક સર્કલની સમસ્યા દૂર થાય છે.

Video:ઉનાળામાં સ્કીનને હેલ્ધી રાખશે ટેટીમાંથી બનેલા આ ફેસપેક

 

source https://www.iamgujarat.com/health-news/beauty-tips-for-boys-face-mask-home-made-and-easy-remedies-anti-ageing-531004/