લૉકડાઉન : વધારે કરિયાણું ભરવું તમારા માટે બની શકે છે મુસીબત

જરૂર કરતા વધારે કરિયાણું સ્ટોર ન કરો

લૉકડાઉનની પહેલા અને લૉકડાઉન દરમિયાન પણ સરકાર લોકોને સતત અપીલ કરી રહી છે કે, તે એટલો જ સામાન લે જેટલી તેમને જરૂર છે. તેમણે જરૂરિયાતના સામાનને વધુ એકઠો ન કરવાની સલાહ આપી હતી. આમ છતાં લોકો ડરીને પોતાના ઘરમાં વધુ સામાન ભરવા લાગ્યા છે. જોકે, તેમનું આવું કરવું તેમને જ નુકસાન કરી શકે છે.

બજેટ પર અસર

સામાન વધારે લાવવો મતલબ કે વધારે પૈસા ખર્ચ થવા. આવું થવાથી તમારા મહિનાના બજેટ પર અસર પડી શકે છે. ભલે લૉકડાઉન હોય પણ ઘરના જે અન્ય ખર્ચ છે જેમ કે, કરિયાણું, લાઈટ બિલ વગેરે તો તમારે દર મહિને ભરવાનું જ છે. આવામાં બજેટ કરતા વધારે ખર્ચને લીધે તમે તંગીમાં આવી શકો છો.

એક્સપાયરી ડેટ

લગભગ તમામ દુકાનો પર વિલંબથી માલ પહોંચી રહ્યો છે. આ કારણે ત્યાં એવા સામાન બાકી રહી ગયા છે જેની કાં તો એક્સપાયરી ડેટ નજીક અથવા તારીખ લખેલી જ નથી. બંને પ્રકારની વસ્તુઓ તમારા માટે સારી નથી. આવો સામાન લેવો બીમારીનું કારણ બની શકે છે. બીજી તરફ જલ્દી એક્સપાયર થઈ જનારી વસ્તુને સમય પર ખતમ ન કરી શક્યા તો તે તમારા કોઈ કામની નહીં રહે.

કીડા પડી જવાનો ડર

અનાજમાં મોસમના કારણે કીડા પડી જવાનો ડર રહે છે. જો તમે વધુ પ્રમાણમાં અનાજ ભરો છો તો તમારે એ પણ ચેક કરતું રહેવું પડશે કે તેમાં જીવાત તો નથી થઈ ગઈ ને. જો એવું થઈ જાય તો તે વસ્તુ તમારા ખાવા લાયક નહીં રહે. આવામાં તમે વધારે સામાન લાવશો તો ઘણી વસ્તુ બહાર રાખવી પડશે અને બધું અસ્ત વ્યસ્ત થઈ જવાને કારણે તમને મુશ્કેલી થશે.

જગ્યા રોકાશે

સામાન્ય રીતે વ્યક્તિ દર મહિને એટલું જ કરિયાણું લાવે છે જેટલી તેની જરૂરિયાત હોય. આ જ કારણ છે કે, તેની પાસે ડબ્બાથી માંડીને જગ્યા મર્યાદિત હોય છે.

સામાન નહીં કરી શકો રિટર્ન

જો તમે એવું વિચારી રહ્યા હોય કે, બહુ બધો સામાન લઈ લીધો છે અને બાદમાં જરૂર નહીં હોય તો પરત કરી દઈશું તો જરૂરી નથી કે દુકાનવાળો તે સામાન પરત લઈ જ લે. દુકાનદાર ઓળખીતો હોય તો વાત અલગ છે બાકી મોટાભાગના દુકાનદાર બચેલો સામાન પાછો નહીં જ લે.

source https://www.iamgujarat.com/health-news/lifestyle-why-buying-too-much-grocery-during-covid-19-lockdown-could-cause-you-problem-541811/