આઈસ્ક્રીમ, કોલ્ડ ડ્રિંકથી પણ ફેલાય છે કોરોના?

શિશિર ચૌરસિયા, નવી દિલ્હી: ગરમીની શરૂઆત અને તમે તેમજ તમારો પરિવાર આઈસ્ક્રીમ અને કોલ્ડ ડ્રિંકથી દૂર રહે, એ ખરેખર જ સામાન્ય સ્થિતિ નથી. પરંતુ, અત્યારે કોવિડ-19ની મહામારીને જોતા સોશયલ મીડિયા પર આઈસ્ક્રીમ અને કોલ્ડ ડ્રિંક દ્વારા કોરોના સંક્રમણ ફેલાવા સંબધિત ઘણા સંદેશ શેર કરવામાં આવી રહ્યા છે. એટલે લોકો તેનાથી દૂર રહેવા લાગ્યા છે. પરંતુ, ભુવનેશ્વરના ગેસ્ટ્રોએન્ટ્રોલોજિસ્ટ ડો. મનોજ કુમાર સાહુનું કહેવું છે કે આ ભ્રામક જાણકારી છે. હકીકત કંઈક અલગ જ છે. હાલમાં તેઓ દેશભરમાં તે પ્રત્યે જાગૃતિ ફેલાવી રહ્યા છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial

WHO તરફથી આવી પ્રતિક્રિયા
ડો. સાહુએ જણાવ્યું કે, વિશ્વ સ્વાસ્થ્ય સંગઠન (WHO)એ આ મિથકને લઈને પોતાની પ્રતિક્રિયા આપી છે. હજુ સુધી એ વાતના કોઈ વૈજ્ઞાનિક પુરાવા નથી કે પૂરી સાફ-સફાઈ સાથે બનાવાયેલા ફ્રોજન ફૂડ અને આઈસ્ક્રીમ ખાવાથી કોરોના વાયરસ ફેલાય છે. હકીકતમાં, કોઈપણ ખાદ્ય પદાર્થથી આ સંક્રમણ નથી ફેલાતું, પછી તે ગરમ હોય કે ઠંડા.

યુનિસેફે પણ નકાર્યું છે
તેમના કહેવા મુજબ, યુનિસેફના ડિપ્ટી એક્ઝિક્યુટિવ ડાયરેક્ટર ચેરલોટ્ટે પેટ્રી ગોર્નિટ્ઝકાના વક્તવ્યમાં પણ એમ કહેવાયું છે કે, એ તદ્દન ખોટું છે કે આઈસ્ક્રીમ અને અન્ય ઠંડા ખાદ્ય પદાર્થોને ન ખાવાથી કોરોના સંક્રમિત થવાથી બચવામાં મદદ મળે છે. એ વાતના કોઈ પ્રમાણ નથી જે આ ખાદ્ય પદાર્થો તેમજ કોરોના સંક્રમણની વચ્ચે સંબંધ વિશે જણાવતા હોય. એટલું જ નહીં, આઈસ્ક્રીમ ખાવાના ઘણા સામાન્ય લાભ છે, તે વિટામિન તેમજ ખનીજોનો મોટો સ્ત્રોત છે અને તે શરીરમાં એનર્જી પણ ભરી દે છે. હવે ગરમી શરૂ થઈ ગઈ છે, જો તમે ઈચ્છો તો આઈસ્ક્રીમ તેમજ કોલ્ડ ડ્રિંકનો આનંદ લઈ શકો છો.

પરંતુ રાખો સાવધાની
તેમનું કહેવું છે કે, દુકાનમાંથી ઠંડા ખાદ્ય પદાર્થ કે પીણાં લાવ્યા બાદ તેને સીધા ફ્રીજમાં ન રાખો. ફ્રિજમાં રાખતા પહેલા કોલ્ડ ડ્રિંકની બોટલો અને આઈસ્ક્રીમના બહારના કવરને સાબુ અને પાણીથી ભૂલ્યા વિના સાફ કરો.

source https://www.iamgujarat.com/health-news/who-and-unicef-claims-no-coronaviurs-infection-from-ice-cream-and-cold-drinks-544780/