Coronavirus: ઘરે બનાવેલા માસ્કને દરરોજ આ રીતેથી સેનિટાઈઝ કરવું જરુરી

નવી દિલ્હીઃ કોરોના વાયરસથી બચવા માટે લોકોને ઘરે બનાવેલા માસ્ક પહેરવાની પણ સલાહ આપવામાં આવી રહી છે. જોકે, વિશ્વાસ સ્વાસ્થ્ય સંગઠન (WHO) મુજબ આ રીતે માસ્ક માત્ર ત્યારે જ અસર કરે છે જ્યારે તે નિયમિત રીતે સાફ કરવામાં આવતા હોય. DIY (Do It Yourself) એટલે કે માસ્કને સાફ રાખીને જ વાયરસથી બચી શકાય છે. આ માટે કેટલીક બાબતોનું ધ્યાન રાખવું જરુરી છે.

ડિસ્પોઝેબલ એટલે કે સર્જિકલ માસ્કને ધોવું શક્ય નથી, અને તેનો એકવાર ઉપયોગ કર્યા પછી તેને ફેકી દેવું પડે છે. જ્યારે હોમમેડ માસ્ક એટલે કે કપડાનું બનાવેલું માસ્ક સાફ કરીને તેનો ફરી ઉપયોગ કરી શકાય છે. તો આવો જાણીએ આ પ્રકારના માસ્કનો ફરી ઉપયોગ કરતા પહેલા કેવી બાબતોનું ધ્યાન રાખવું જરુરી છે.

આ રીતે ઘરે જ સરળતાથી બનાવો માસ્ક 

પહેલી રીતઃ માસ્કને ગરમ પાણીમાં પલાળીને તેના પર સાબુ લગાવીને ધોવું જોઈએ. આમ કર્યા પછી માસ્કને 5 કલાક સુધી તડકામાં સૂકાવવું જોઈએ.

બીજી રીતઃ જો માસ્કને તડકામાં સૂકાવવું શક્ય ના હોય તો તમે તેને કૂકરમાં મીઠાવાળા પાણીમાં બોળ્યા પછી 10 મિનિટ સુધી ગરમ કરો. આ પછી માસ્કને બહાર કાઢીને તેને સાફ પાણીથી સાફ કરીને સુકાવી દો. જો ઘરમાં પ્રેશર કૂકર ના હોય તો 15 મિનિટ સુધી માસ્કને ગરમ પાણી સાથે ઉકાળીને સૂકવી દો.

ત્રીજી રીતઃ જો તમારી પાસે પ્રેસર કૂકર કે ગરમ પાણી કરવાની વ્યવસ્થા ના હોય તો તમે માસ્કને સાબુથી ધોઈને સ્વચ્છ પાણીથી સાફ કરી લો. આ પછી તેને 5 મિનિટ સુધી સુકાવા દો અને ઈસ્ત્રીની મદદથી તેને હીટ કરો જેથી તે ફરી વાયરવા યોગ્ય બની જશે.

source https://www.iamgujarat.com/health-news/how-to-clean-and-sanitize-your-homemade-masks-everyday-541101/