ગરમીમાં ચહેરાને ચમકાવવા માટે કરીના લગાવે છે આ ફેસ માસ્ક, 2 મિનિટમાં થાય છે તૈયાર

સ્કિન કેર માટે કરીનાની ટિપ્સ

કેટલાક સેલેબ્સ એવા છે, જેઓ પોતાની સ્કિન કેર રુટીનને ઈન્સ્ટાગ્રામ પર પોસ્ટ કરી રહ્યા છે. હાલમાં જ બોલિવુડ એક્ટ્રેસ કરીના કપૂરે પણ પોતાની એક પોસ્ટ દ્વારા ફેન્સને પોતાની ગ્લોઈંગ સ્કિનનું સિક્રેટ જણાવ્યું છે. વર્કઆઉટ અને હેલ્ધી ફૂડ સિવાય કરીના પોતાની સ્કિનને ચમકદાર બનાવવા માટે ઘરેલુ ફેસપેકનો ઉપયોગ કરે છે.

તમે પણ બનાવી શકો છો ફેસપેક

કરીનાને આ ફેસપેક પોતાની ફ્રેન્ડ નિશા સરીને આપ્યું છે, જેનો ઉપયોગ કર્યા બાદ કરીનાએ તેનો આભાર માન્યો છે. જે યુવતીઓ ઘરે બેઠા પોતાની સ્કિનને કરીનાની જેમ સુંદર બનાવવા ઈચ્છે છે, તેના માટે કરીનાએ ફેસપેક બનાવવાની રીત શેર કરી છે. જાણો…

સામગ્રી

2 ચમચી ચંદન પાઉડર
2 ટીપા વિટામિન ઈ
ચપટી હળદર
દૂધ

બનાવવાની રીત
– એક બાઉલ લો. તેમાં આ તમામ સામગ્રી મિક્સ કરી લો.
– તેને ચહેરા પર લગાવીને 20 મિનિટ માટે સૂકાવા દો
– બાદમાં ચહેરો સ્વચ્છ પાણીથી વોશ કરી લો
– આ પેકથી તમારી સ્કિન એકદમ સાફ અને નરમ થઈ જશે

સ્કિન માટે ફાયદાકારક છે ચંદન પાઉડર

ચંદનમાં રહેલું નેચરલ તેલ સન ટેનથી છુટકારો અપાવવામાં મદદ કરે છે. સાથે જ તે સન બર્નને દૂર કરે છે. તેને ચહેરા પર લગાવવાથી સ્કિનને એક કૂલિંગ ઈફેક્ટ મળે છે. જે સન બર્નના કારણે થનારા લાલ નિશાનને દૂર કરે છે. જે લોકો ખીલના કારણે પરેશાન રહે છે. તેમના માટે પણ ચંદન પાઉડર લાભદાયી છે.

સ્કિન માટે વિટામિન ઈના ફાયદા

સ્કિનની ચમકને યથાવત્ રાખવા માટે વિટામિન ઈ ઘણી લાભદાયી છે. આ કેપ્સૂલ તમને કોઈ પણ મેડિકલ સ્ટોર સરળતાથી મળી રહેશે. કેપ્સૂલને ચહેરા પર લગાવવાથી ચહેરા પર નિખાર આવે છે. જેનાથી સ્કિન મુલાયમ થઈ જાય છે અને ડાઘ-ધબ્બા દૂર થાય છે.

ચહેરા માટે કાચું દૂધ

તમારા હાડકાને મજબૂત કરવા સિવાય દૂધ સ્કિનના ડાઘ-ધબ્બાને દૂર કરે છે. ઓઈલી સ્કિન માટે દૂધ એક ટોનરની જેમ કામ કરે છે. ડ્રાય સ્કિનવાળા માટે પણ દૂધ લાભદાયી છે કારણ કે તે સ્કિનને મોઈશ્ચરાઈઝ કરે છે.

હળદર છે ગુણકારી

ચહેરા પર પડેલી કરચલીઓ અને કાળાશને હળદર દૂર કરે છે. હળદરમાં એન્ટીસેપ્ટિક અને એન્ટી બેક્ટેરિયલ ગુણ હોય છે. જે ખીલ અને ડાઘને સાફ કરે છે.

source https://www.iamgujarat.com/health-news/kareena-kapoor-use-chandan-face-pack-know-how-to-make-it-556891/