ઉનાળામાં ખાવ આ ‘રેડ ફૂડ્સ’, બ્લડપ્રેશર કંટ્રોલમાં અને હૃદય સ્વસ્થ રહેશે

ગરમીમાં હૃદયને સ્વસ્થ રાખવા આ વસ્તુઓ ખાવ

ગરમીની ઋતુમાં ઘણા લોકોને હાઈ બીપીની સમસ્યા થાય છે. ગરમીના લીધે બ્લડ પ્રેશર વધી જાય છે, જેનાથી હૃદય સંબંધિત સમસ્યા થવાનું જોખમ વધી જાય છે. અહીં એવા કેટલાક ફૂડ વિશે જણાવીશું જે ઉનાળાની ઋતુમાં તમારા હૃદયનું ધ્યાન રાખશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

સ્વાદિષ્ટ અને ઠંડા રાજમા

રાજમાને કિડની બિન્સ તરીકે પણ જાણીતા છે. સ્વાસ્થ્ય માટે રાજમા ખૂબ ગુણકારી છે. રાજમા ફાયબર અને વિટામિન્સથી ભરપૂર હોય છે. રાજમાની તાસીર ઠંડી હોય છે. એટલે જ તે ગરમીની ઋતુમાં શરીરમાં ઠંડક જાળવી રાખે છે અને બીપી વધવાનું જોખમ ઘટાડે છે. જો કે, રાજમા બપોરના ભોજનમાં લેવા, રાત્રે ખાવાના ટાળવા. રાજમા ખાવાથી બ્લડ શુગર લેવલ ઓછું થાય છે. સાથે જ બેડ કોલેસ્ટ્રોલ ઘટાડવામાં મદદ કરે છે. જેનાથી બીપીની સમસ્યા થતી નથી.

સ્વાદ અને હૃદયના સ્વાસ્થ્ય માટે ખાવ તરબૂચ

તરબૂચ ગરમીની સીઝનનું બેસ્ટ ફ્રૂટ છે કારણકે કે લિક્વિડ અને ફાયબરથી ભરપૂર હોય છે. પેટ સાફ રાખવાની સાથે શરીરમાં હિમોગ્લોબીન વધારે છે અને લૂથી બચાવે છે. તમને જાણીને નવાઈ લાગશે કે તરબૂચ ઉનાળામાં હૃદયના સ્વાસ્થ્યનું ધ્યાન રાખે છે. આમાં લાઈકોપીન નામનું તત્વ રહેલું છે જે શરરીમાં એન્ટીઈન્ફ્લેમેટરી તરીકે કાર્ય કરે છે. તરબૂચ શરીરમાં અંદર-બહારના સ્તરે સોજો આવતો રોકે છે. જેનાથી હૃદયની ધમનીઓ સ્વસ્થ રહે છે અને હાર્ટ અટેકનું જોખમ ઘટે છે.

કાચા ટામેટા ખાવ

ઉનાળાની ઋતુમાં ટામેટાનો શાકમાં ઉપયોગ ના કરવો જોઈએ. ટામેટાને સલાડ તરીકે ખાવું. સલાડમાં ટામેટા કાપીને તેના પર સંચળ અને જીરું પાઉડર ભભરાવીને ખાવાથી શરીરને લાઈકોપીન મળે છે. લાઈકોપીન હાર્ટ અને હેલ્થ માટે ગુણકારી છે. જો કે, કાચા ટામેટાનું શાક ઉનાળામાં ખાવાથી નુકસાન થાય છે, કારણકે તે શરીરમાં ક્ષાર તત્વને વધારે છે.

source https://www.iamgujarat.com/health-news/food-that-can-help-to-control-high-blood-pressure-during-summer-553237/