રોજ સવારે ખાલી પેટે પીવો આ ટૉનિક, રોગપ્રતિકારક શક્તિ વધશે અને હેલ્ધી રહેશો

રોગપ્રતિકારક શક્તિ વધારશે આ ડ્રિંક

આખી દુનિયા જ્યારે કોરોના વાયરસ મહામારી સામે લડી રહી છે ત્યારે લોકો હવે પોતાના સ્વાસ્થ્ય અને ડાયટ વિશે વધુ ગંભીર થયા છે. લોકડાઉને લોકોને ઘરનું રાંધેલું અને હેલ્ધી ફૂડ ખાતા કરી દીધા છે. બહારનું જંક ફૂડ ખાવાનું લોકોએ ઓછું કરી દીધું છે. આ ઉપરાંત લોકો પોતાની રોગપ્રતિકારત શક્તિ વધારવા માટે પણ ખૂબ પ્રયત્નો કરી રહ્યા છે. હાલ કોરોના વાયરસની કોઈ રસ નથી ત્યારે તેની સામે લડવા રોગપ્રતિકારક શક્તિ મજબૂત બનાવવી જરૂરી છે. લાઈફસ્ટાઈલમાં થોડું પરિવર્તન લાવશો તો ઈમ્યૂનિટી વધારવામાં ચોક્કસ મદદ મળશે. આ ઉપરાંત રસોડમાં રહી ચાર એવી વસ્તુઓ છે જે તમારી ઈમ્યૂનિટી વધારવામાં ઉપયોગી થશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ઈમ્યૂનિટી બૂસ્ટર ટોનિક

સામગ્રી

1 કપ પાણી
1/4 ટીસ્પૂન છીણેલું આદુ
1/4 ટીસ્પૂન હળદર
1 ટીસ્પૂન એપલ સાઈડર વિનેગર
1 ટીસ્પૂન મધ

એક વાસણમાં પાણી, આદુ, એપલ સાઈડર વિનેગર અને હળદર ઉમેરીને ઉકાળો. આ મિશ્રણમાં ઊભરો આવવાનું શરૂ થાય એટલે ગેસ બંધ કરી દો. થોડું ઠંડું થવા દો. બાદમાં તેમાં મધ ઉમેરો. તૈયાર છે તમારું ઈમ્યૂનિટી બૂસ્ટર ડ્રિંક.

શા માટે આ ટોનિક સ્વાસ્થ્ય માટે સારું છે?

આ ડ્રિંક સ્વાસ્થ્ય માટે ખૂબ લાભદાયી છે. રોજ સવારે તમે ખાલી પેટે આ ડ્રિંક પીશો તો વાયરલ અને બેક્ટેરિયાથી થતી બીમારીઓથી બચી શકશો.

એપલ સાઈડર વિનેગર: આ શરીરમાં ખરાબ પેથોજન્સને વિકસતા રોકે છે. આમાં એન્ટીવાયરલ અને એન્ટી-ઈન્ફ્લેમેટરિ તત્વો રહેલા છે. હેલ્ધી ગટ બેક્ટેરિયા ઉત્પન્ન કરવામાં મદદરૂપ છે. જે રોગપ્રતિકારક શક્તિ માટે જરૂરી છે.

હળદર: એન્ટી-ઓક્સિડન્ટ, એન્ટી-ઈન્ફ્લેમેટરિ અને એન્ટિસેપ્ટિક તત્વોથી ભરપૂર છે. એપલ સાઈડર વિનેગર સાથે મળીને તે શરીરને હાનિકારક જર્મ્સ અને બેક્ટેરિયાથી બચાવે છે.

આદુ: આમાં એન્ટીમાઈક્રોબિયલ, એન્ટીબાયોટિક અને એન્ટી-ઈન્ફ્લેમેટરિ તત્વો રહેલા છે. શરીરમાં વ્હાઈટ બ્લડ સેલ્સ વધારતા તત્વો રહે છે, જે અજાણ્યા વાયરસ અને બેક્ટેરિયા સામે શરીરને રક્ષણ આપે છે.

મધ: આમાં રહેલો પાચક રસ પાચન તંત્રને સ્વસ્થ રાખે છે અને રોગપ્રતિકારક શક્તિ વધારે છે. સાથે જ મધમાં એન્ટીઓક્સિડન્ટ્સ રહેલા છે જે શરીરમાંથી ફ્રી રેડિકલ્સને દૂર કરે છે.

source https://www.iamgujarat.com/health-news/drink-this-tonic-in-the-morning-to-boost-immunity-557400/