મુલ્તાની માટીમાં ઉમેરો એક આ ખાસ વસ્તુ, ખીલ દૂર થશે અને ચહેરો ગોરો થઈ જશે

મુલ્તાની માટીના ફાયદા

મુલ્તાની માટી ચહેરા પર લગાવવાથી નિખાર આવે છે. પરંતુ ઘણા લોકો તેનો ઉપયોગ કેવી રીતે કરવો તે જાણતા નથી, જેના કારણે તેઓ તેનો ફાયદો ઉઠાવી શકતા નથી. ચહેરા પર ગ્લો લાવવા માટે મુલ્તામી માટીનો ઉપયોગ યુવતીઓ સિવાય યુવક પણ કરી શકે છે.

મુલ્તાની માટીનું ફેસ પેક

આજે અમે તમને જે પેક બનાવતા શીખવી રહ્યા છીએ તેનો ઉપયોગ દર બીજા દિવસે કરવાથી તમારી સ્કિન સરસ થઈ જશે આ સિવાય ચહેરાનો રંગ ગોરો થઈ જશે. આ પેકમાં મુલ્તાની માટીનો ઉપયોગ કરવામાં આવે છે, જે સ્કિનને લાઈટ અને બ્રાઈટ બનાવવાનું કામ કરે છે. સાથે સ્કિન પરથી ઓયલ દૂર કરીને તેને ફ્રેશ બનાવે છે. આ ફેસ પેક કેવી રીતે બનાવશો જાણી લો…

સામગ્રી

2 ચમચી મુલતાની માટી
1 ચમચી એલોવેરા જેલ
1 ચમચી લીંબૂનો રસ
જરૂર મુજબ ગુલાબજળ
ચપટી હળદર

બનાવવાની રીત

– તમામ વસ્તુને એક બાઉલમાં મિક્સ કરી લો
– પેસ્ટ વધારે પાતળી કે વધારે ઘટ્ટ ન રહે તેનું ધ્યાન રાખવું
– તમામ વસ્તુ જ્યારે એકબીજા સાથે સરસ રીતે મિક્સ થઈ જ્યારે હાથ અથવા બ્રશની મદદથી તેને ચહેરા, ગરદન અને કાન પર લગાવો
-તેને ચહેરા પર 15-20 મિનિટ માટે ચહેરા પર લગાવી રાખીને સાદા પાણીથી વોશ કરી લો

આ ફેસ પેક લગાવવાના ફાયદા

જો તમારી સ્કિન સનબર્નના કારણે કાળી પડી ગઈ છે અથવા ઓઈલી હોવાના કારણે ખીલ થઈ ગયા છે. તો તમે મુલ્તાની માટીનો ઉપયોગ કરી શકો છો. આ પેક પોર્સને અંદર જઈને સાફ કરે છે, જેનાથી સ્કિન પરથી ઓઈલ દૂર થાય છે. જેમાં ઉમેરાતું લીંબૂ સ્કિનને બ્રાઈટ બનાવે છે. આ સિવાય એક્ને અને પિંપલ્સની સમસ્યા દૂર થાય છે.

આ રીતે પણ કરી શકો ઉપયોગ

આ પેક બનાવવા માટે ઘર પર જ મુલ્તાની માટી પીસીને તૈયાર કરો. કારણ કે બજારમાં મળતી મુલ્તાની માટીમાં કેમિકલ્સ હોય છે. જે શરીરને નુકસાન પહોંચાડે છે. તમને ઈચ્છો તો આ પેકને આઈસ ક્યૂબ બનાવીને રોજ ચહેરા પર લગાવી શકો છો.

નોંધઃ ફેસ પેકના ઉપાયનો આધાર સ્કિન પર પણ રહેલો છે. તેથી જો તમને એલર્જી કે અન્ય કોઈ સમસ્યા હોય તો ડોક્ટરનો સંપર્ક કર્યા બાદ જ તેનો ઉપયોગ કરવો

 

source https://www.iamgujarat.com/health-news/summer-skin-care-skin-whitening-face-pack-with-multani-mitti-557736/