શું કોઈ અચાનક નજીક આવી જાય તો શ્વાસ રોકી લેવાથી કોરોનાથી બચી જવાય?

યક્ષ પ્રશ્ન કોરોનાથી બચવું તો કઈ રીતે?

આખી દુનિયામાં કોરોના વાયરસનું સંક્રમણ સતત વધી રહ્યું છે. ત્યારે આ વાયરસનું સંક્રમણ પણ અલગ અલગ રીતે પોતાનો ફેલાવો કરી રહ્યું છે. લોકો સતત પોતાને કોરોના વાયરસથી સંક્રમણ બચાવવા માટે અનેક ઉપાય કરી રહ્યા છે. ત્યાં સુધી કે વૈજ્ઞાનિકો અને ડોક્ટર્સ પણ આ વાયરસ વિશે વધુને વધુ ખબર પડે અને તેના ફેલાવાને રોકી શકાય તે માટે જાણવા માટે પ્રયાસ કરી રહ્યા છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

રસી દવા મળવામાં હજુ સમય

આ વાયરસથી થતા કોવિડ-19થી બચવા માટે અને તેની સારવાર માટે રસી તેમજ દવા બનાવવા માટે સંશોધકો સતત દિવસરાત કામ કરી રહ્યા છે. જોકે હજુ પણ લોકોને આ દવા કે રસી મળવામાં 12થી 18 મહિના જેટલો સમય લાગી શકે છે.

લોકડાઉન કાયમ ન રહી શકે

વર્ષ 2020ની શરુઆત સાથે જ દુનિયામાં ફેલાવાનું શરુ કરનાર કોરોનાના કારણે દેશ-દુનિયા લોકડાઉન સ્વરુપે પોતાના ઘરોમાં જ કેદ થઈ ગઈ છે. ત્યારે હવે 2020નો આ છઠ્ઠો મહિનો આવી રહ્યો છે. જેથી કોરોનાના કારણે ક્યાંક દુનિયાની અર્થવ્યવસ્થા જ ભાંગી ન પડે તે માટે મોટાભાગના દેશો ધીરે ધીરે સાવધાની પૂર્વક લોકાડાઉન હટાવી રહ્યા છે. લોકો પણ હવે કેટલીક સાવધાની સાથે ઘરોની બહાર કામકાજ માટે નીકળી રહ્યા છે અને પોતાની દૈનિક જિંદગી જીવી રહ્યા છે. અલબત્ત પૂરતી તકેદારી અને સાવધાની સાથે જ. ત્યારે પ્રશ્ન થાય છે કે ઘરની બહાર નીકળો ત્યારે પોતાને કોરોનાથી કઈ રીતે સુરક્ષિત રાખી શકાય છે.

શું કોઈ તમારી નજીક આવી જાય તો શ્વાસ રોકી દેવો?

જાહેરમાં કોઈ તમારી નજીક આવી જાય ત્યારે તમારે શ્વાસ રોકી દેવો જોઈએ કે નહીં આ પ્રશ્ન ઘણાને થતો હશે. ભલે લોકો મોટાભાગે બહાર જવાનું ટાળી રહ્યા છે પરંતુ કેટલીક જીવનજરુરિયાતની વસ્તુઓ લેવા માટે તો ઘર બહાર નીકળવું જ પડે છે. ત્યારે આવી રીતે શ્વાસ રોકી દેવાથી શું વાયરસ શરીરમાં પ્રવેશતો નથી?

કોઈ પાસેથી પસાર થાય તો નથી લાગતો ચેપ

સૌથી પહેલા તો તમે જાહેર સ્થળોએ હોવ તો માસ્ક અને ચહેરાને ઢાકી રાખવો જ વધુ હિતાવહ છે. સોશિયલ ડિસ્ટન્સિંગ પણ રાખો. નિષ્ણાંતોનું માનવું છે કે જો કોઈ તમને અડીને પણ ચાલ્યું જાય તો તમને વાયરસનો ચેપ લાગી શકતો નથી. સિવાયકે આવો વ્યક્તિ તમારી એકદમ નજીક આવીને ઉધરસ ખાય કે પછી છીંક ખાય, તેથી તમારો શ્વાસ રોકી રાખવો જરુરી નથી.

આ રીતે ટૂંકી જગ્યામાં સોશિયલ ડિસ્ટન્સિંગ

જેથી એકવાત તો સ્પષ્ટ છે કે જો તમે જાહેરમાં બહાર છો તો તમારે લોકોથી ઓછામાં ઓછું 6 ફૂટનું અંતર રાખવું જોઈએ. તેમજ જો કોઈ નજીક આવી ગયું હોય તેમના તરફ ચહેરો કરીને ઉભા રહેવા કરતા અન્ય દિશામાં જોઈને ઉભું રહેવું વધુ હિતાવહ છે.

શ્વાસ રોકવાથી ફાયદો પણ..

તમારા શ્વાસ રોકી રાખવા તે કદાચ કેટલીક સેકન્ડ પૂરતું કામ કરી શકે છે પરંતુ જ્યારે જાહેરમાં હોવ ત્યારે ઘણો સમય તમારે લોકોની નજીક રહેવું પડે છે. તેવા સમયે માસ્ક અને સોશિયલ ડિસ્ટન્સિંગ જ તમારા હથિયાર છે.

Video:

અરબી સમુદ્રમાં લો પ્રેશરથી ગુજરાતમાં વરસાદી માહોલ, પોરબંદર પોર્ટ પર 1 નંબરનું સિગ્નલ

source https://www.iamgujarat.com/health-news/coronavirus-prevention-query-should-you-hold-your-breath-if-people-get-too-close-to-prevent-covid-19-we-give-you-the-truth-558469/