ફેસ માસ્ક કે ફેસ શિલ્ડમાંથી કોણ કોરોના સામે આપે છે વધારે રક્ષણ?

કોરોના વાયરસથી બચવા માટે પ્રત્યેક વ્યક્તિ પોતાની રીતે પૂરતી સુરક્ષા રાખવાનો પ્રયાસ કરી રહી છે. ધીમે ધીમે લોકડાઉનમાં છૂટછાટ આપવામાં આવી રહી છે અને બજારો પણ ધીમે ધીમે ખુલી રહ્યા છે. ડોમેસ્ટિક ફ્લાઈટ્સ પણ શરૂ કરી દેવામાં આવી છે. હવે જ્યારે ધીમે ધીમે બધુ પાટા પર આવી રહ્યું છે તો આપણે વધારે ધ્યાન આપવાની જરૂર છે. કોરોનાના ચેપથી બચવા માટે માસ્ક પહેર્યા વગર બહાર નીકળવું જોઈએ નહીં. આ ઉપરાંત હાથમાં ગ્લોવ્ઝ પહેરવા, થોડા-થોડા સમયે હાથમાં સેનિટાઈઝર લગાવો કે સાબુ અને પાણીથી હાથ ધોવો. હવે તેની સાથે ડોક્ટર્સ માટે જરૂરી ફેસ શિલ્ડ લોકો પણ ઉપયોગમાં લઈ રહ્યા છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

શું ફેસ શિલ્ડ વધારે સુરક્ષિત છે?

લોકડાઉનમાં છૂટછાટ આપ્યા બાદ તે જોયું હશે કે ઘણા લોકો ફેસ શિલ્ડ પહેરીને નીકળી રહ્યા છે. તમે ઘણા ડોક્ટર્સ અને કેમિસ્ટને ફેસ શિલ્ડ પહેલા જોયા હશે. હવે પ્રશ્ન એ થાય છે કે શિલ્ડ વધારે સુરક્ષિત છે? ફેસ શિલ્ડ માસ્ક કરતા પહેરવામાં વધારે સુવિધાજનક છે. આયોવા યુનિવર્સિટીના એક સંશોધન અનુસાર ફેસ માસ્ક કરતા શિલ્ડ વધારે કારગર છે. કોરોના વાયરસથી બચવા માટે ફેસ શિલ્ડ વધારે સારો વિકલ્પ છે. ફેસ શિલ્ડ સમગ્ર ચહેરાને ઢાંકે છે અને વાયરસ સામે વધારે સુરક્ષા પૂરી પાડે છે.

ફેસ શિલ્ડ સુવિધાજનક

આયોવા ટીમે ફેસ શિલ્ડને વધારે સુવિધાજનક ગણાવ્યું છે કેમ તે સમગ્ર ચહેરાને કવર કરે છે. આ કાનથી લઈને આંખોને કવર કરે છે. જો તમે આ શિલ્ડનો ઉપયોગ કરો છો તો તે વાતનું ધ્યાન રાખો કે શિલ્ડ અને તમારા માથા વચ્ચે કોઈ જગ્યા ન રહી જાય.

ફરીથી ઉપયોગ કરી શકાય છે

ફેસ શિલ્ડની એક ફાયદો એ પણ છે કે તેને માસ્કની જેમ એક વખત ઉપયોગમાં લીધા બાદ ફેંકી દેવાની જરૂર નથી. આનો ઉપયોગ કર્યા બાદ તેને ધોઈ શકાય છે અને ફરીથી ઉપયોગમાં લઈ શકાય છે. શિલ્ડ પહેર્યા બાદ ચહેરાને અડવો પણ મુશ્કેલ બની જાય છે તેથી તે બચાવ પણ કરી શકે છે.

શું કહે છે સ્ટડી?

ફેસ શિલ્ડને લઈને વધારે અભ્યાસ થયા નથી. પરંતુ એક સિમ્યુલેશન સ્ટડીમાં તે વાત સામે આવી છે કે 18 ઈંચના અંતરથી કોઈ ઉધરસ ખાય છે તો ફેસ શિલ્ડ 96 ટકા સુદી તમારી સુરક્ષા કરી શકે છે. આ સ્ટડી ફરીથી કરવામાં આવી તો ખબર પડી કે 6 ફૂટના અંતરથી કોઈ ઉધરસ ખાય છે તો 92 ટકા સુધી સુરક્ષા મળે છે.

જે હોય તે પહેરવું જોઈએ

લોકડાઉન ખુલ્યા બાદ હવે વાયરસ ફેલાવાનું જોખમ વધી ગયું છે. તેથી હવે તેનાથી બચવાના ઉપાયો પર વધારે ધ્યાન આપવું પણ જરૂરી થઈ ગયું છે. કોરોનાથી બચવા માટે ફેસ માસ્ક કે ફેસ શિલ્ડ શું વધારે શ્રેષ્ઠ છે? તે તો હજી સુધી સચોટ રીતે કહી શકાય નહીં. પરંતુ એટલું ચોક્કસથી કહી શકાય છે કે આ બંનેમાંથી તમારી પાસે જે પણ ઉપલબ્ધ હોય તે પહેરી શકાય છે.

source https://www.iamgujarat.com/health-news/face-mask-or-face-shield-which-is-better-to-fight-against-coronavirus-557460/