30 વર્ષની ઉંમર બાદ મહિલાઓએ રાખવું આ 6 વાતનું ધ્યાન, સ્કિન દેખાશે એકદમ યુવાન

30 વર્ષની ઉંમર બાદ રાખવું આટલું ધ્યાન

ઉંમરની અસર માત્ર આપણા શરીર પર જ નહીં પરંતુ સ્કિન પર પણ દેખાવા લાગે છે. તેમા પણ જ્યારે સ્ત્રી 30 વર્ષની ઉંમરે પહોંચે એટલે સ્કિન પર એજિંગના નિશાન જોવા મળે છે. આ ઉંમર એવી છે જ્યારે તમારે તમારી સ્કિનની ખાસ દેખરેખ રાખવાની જરૂર પડે છે. 30 વર્ષની ઉંમર બાદ તમારી સ્કિન 20 જેવી દેખાતી નથી. ત્યારે તમારે કેટલીક બાબતોનું ધ્યાન રાખવું જોઈએ.

ફેસ ક્લીન્ઝર

કેટલાક ફેસ વોશ તમારી સ્કિનને સૂટ કરતાં નથી. જે તમારી સ્કિન પરનું ઓઈલ ખતમ કરી દે છે. ફેસ વોશ બાદ જો તમે ક્લીન્ઝરનો ઉપયોગ કરશો તો વધારે યોગ્ય રહેશે.

સીરમનો ઉપયોગ

સારા મોઈશ્ચરાઈઝરના ઉપયોગની સાથે-સાથે સીરનો ઉપયોગ પણ કરો, જે તમારી સ્કિનને ગ્લોઈંગ બનાવશે. એવા સીરમનો ઉપયોગ કરવો જેમાં વિટામિન સી હોય. આ પ્રકારનું સીરમ પોર્સને અંદરથી ક્લીન કરે છે.

હાઈડ્રેટિંગ ટોનર

જો તમે હાલમાં જ માતા બન્યા છો, તો તમારી સ્કિન પહેલા કરતાં વધારે ડ્રાય થઈ થશે. તેથી, હાઈડ્રેટિંગ ટોનરનો ઉપયોગ કરો. જે પોર્સને નાના કરશે અને પીએચ લેવલને મેન્ટેન કરશે.

નાઈટ ક્રીમ

તમારી સ્કીનને હેલ્ધી રાખવા માટે નાઈટ ક્રીમનો ઉપયોગ કરવો. રાત્રે સૂતા પહેલા નાઈટ ક્રીમ લગાવવાથી તમારી સ્કીનને રિજનરેટ કરવામાં મદદ કરે છે.

આઈ ક્રીમ લગાવવાનું ન ભૂલશો

તમારી આંખોની આસપાસની ક્રીમ વધારે સેન્સેટિવ હોય છે. જ્યાં ઉંમરના સૌથી પહેલા નિશાન દેખાવા લાગે છે. તેથી રેગ્યુલર ક્રીમ કે આઈ ક્રીમનો ઉપયોગ કરો. ક્રીમને આંખના નીચેના ભાગમાં લગાવીને હળવા હાથે મસાજ કરો.

સનસ્ક્રીનનો ઉપયોગ

મોટાભાગના સ્કીનકેર એક્સપર્ટ્સ સ્કિનકેર રૂટિનમાં સનસ્ક્રીનનો ઉપયોગ કરવાનું કહે છે. સૂર્યના કિરણો સીધા સ્કિન પર પડે તો તેનાથી નુકસાન થાય છે. ઝીંક ઓક્સાઈડથી ભરપૂર સનસ્ક્રીન લગાવવાથી સ્કીન સેલ્સ હેલ્ધી રહે છે.

source https://www.iamgujarat.com/health-news/6-skincare-rules-every-woman-should-follow-in-her-30s-559110/