અસ્થમાના દર્દીઓએ નિયમિત કરવી જોઈએ આ 3 યોગ મુદ્રા, થશે અઢળક લાભ

અસ્થમાના દર્દીઓએ કરવી જોઈએ યોગ મુદ્રા

માત્ર ભારત જ નહીં દુનિયાના અન્ય દેશો પણ યોગાસન કરે છે અને તે કેટલા લાભદાયી છે તેનું મહત્વ પણ જાણે છે. યોગાસનથી તમે કમરનો દુઃખાવો મટાડવાથી લઈને વજન પણ ઘટાડી શકો છો. આજે અમે તમે એવી 3 ખાસ યોગ મુદ્રાઓના નામ જણાવીશું, જે અસ્થમાના દર્દીઓ માટે ખૂબ લાભદાયી સાબિત થશે.

અસ્થમાના દર્દીઓને યોગ મુદ્રાઓ કેવી રીતે પહોંચાડશે લાભ?

યોગ મુદ્રાઓનું નામ જાણતા પહેલા તે જાણવું જરૂરી છે કે, આખરે યોગ મુદ્રાઓ દ્વારા અસ્થમાના દર્દીઓને કેવી રીતે ફાયદો થાય છે. અસ્થમા શ્વસન તંત્ર સાથે જોડાયેલી બીમારી છે.

યોગ મુદ્રાઓ દ્વારા શ્વસન તંત્રને મજબૂત બનાવવી શકાય છે અને તેને સક્રિય રૂપથી કાર્ય કરવા માટે પ્રેરિત કરી શકાય છે. તેથી યોગ મુદ્રાઓનો અભ્યાસ અસ્થમાના દર્દીઓ માટે લાભદાયી સાબિત થશે.

જ્ઞાન મુદ્રા

યોગાસન પર થયેલા રિસર્ચ મુજબ, જ્ઞાન મુદ્રા દ્વારા અસ્થમાથી પીડિત દર્દીઓને આ બીમારીથી થનારા જોખમોથી બચાવી શકાય છે. જ્ઞાન મુદ્રાનો પ્રભાવ શ્વસન તંત્રને યોગ્ય રીતે કાર્ય કરવા માટે પ્રેરિત કરે છે.

કેવી રીતે કરશો?
– યોગ મેટ પર પદ્માસન અથવા વજ્રાસનની સ્થિતિમાં બેસી જાઓ
– બંને હાથને ઘૂંટણ પર રાખો
– પહેલી આંગળીના ઉપરના ભાગથી અંગુઠાના ભાગને ટચ કરો
-આંખો બંધ કરો અને સામાન્ય રીતે શ્વાસ લેતા રહો
– તમે ઈચ્છો તો ઓમનું ઉચ્ચારણ પણ કરી શકો છો
– આ મુદ્રા 20થી 25 મિનિટ સુધી કરવાથી સકારાત્મક લાભ મળશે
– રોજ સવારે ઊઠ્યા બાદ, સાંજે અથવા રાત્રે સૂતા પહેલા આ કરી શકો છો.

પૃથ્વી મુદ્રા

આ યોગ મુદ્રાના કારણે શરીરના આંતરિક અંગો અને તેની કાર્ય ક્ષમતાને સારી રીતે કામ કરવામાં મદદ મળે છે. તે ફેફસાની કાર્યક્ષમતા પણ સુધારે છે.

કેવી રીતે કરશો?
– યોગ મેટ પર પદ્માસનની સ્થિતિમાં બેસી જાઓ
– હથેળી ખોલો અને અનામિકા એટલે કે ત્રીજી આંગળીના ઉપરના ભાગથી અંગુઠાનો ઉપરનો ભાગ ટચ કરો.
– આ સિવાય બાકીની આંગળીઓ ખુલ્લી રાખો
– આ મુદ્દા દિવસમાં બેથી ત્રણ વખતે 10થી 15 મિનિટ માટે કરી શકો છો

સૂર્ય મુદ્રા

સૂર્ય મુદ્રા એક એવી ખાસ મુદ્રા છે જેને લોકો સામાન્ય રીતે પણ કરતા હોય છે. અસ્થમાના દર્દીઓ માટે તે પ્રભાવી સાબિત થઈ શકે છે. એક સ્ટડી પ્રમાણે, સૂર્ય મુદ્રા શરીરનું તાપમાન વધારીને શરદી-ખાંસીની તકલીફ દૂર કરી શ્વસન તંત્રને યોગ્ય રીતે કાર્ય કરવા માટે પ્રેરિત કરે છે.

કેવી રીતે કરશો?
– યોગ મેટ પર વજ્રાસનની સ્થિતિમાં બેસી જાઓ
– બંને હાથની સામેની દિશામાં રાખીને હથેળી ખોલી દો
– ત્રીજી આંગળીને વાળી દો અને અંગુઠો તેની ઉપર મૂકો (તસવીર મુજબ)
– 10 મિનિટ સુધી આ સ્થિતિમાં બેસી રહો અને સામાન્ય રીતે શ્વાસ લેતા રહો
– દિવસમાં 2થી 3 વખત તમે આમ કરી શકો છો.

source https://www.iamgujarat.com/health-news/three-best-yoga-mudras-for-asthma-patient-565897/