6 મહિનાના બાળકને આ રીતે ખવડાવો બદામ, કોમ્પ્યુટરની જેમ તેજ થશે દિમાગ

તેજ મગજ માટે જરૂરી બદામ

બદામ ફાઈબર, ખનિજ પદાર્થો અને જરૂરી ફેટી એસિડથી ભરપૂર હોય છે. બદામને મગજ માટે ખૂબ જ ફાયદાકારક માનવામાં આવે છે તેથી જ યુવાનોને પણ બદામ ખાવાની સલાહ આપવામાં આવે છે. પરંતુ જો તમારા ઘરમાં નાનકડું બાળક છે અને તેને તમે બદામ ખવડાવવા માગો છો. તો કેવી રીતે તેને આપી શકશો તે જાણવું ખૂબ જ જરૂરી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

બાળકને બદામ કેવી રીતે ખવડાવશો?

6 મહિનાના બાળકને દાંત ન આવ્યા હોવાથી તેને ડાયરેક્ટ બદામ ખવડાવવી શક્ય નથી. તેવામાં સૌથી મોટો સવાલ એ છે કે, તેમને બદામ ખવડાવવાથી રીત કઈ છે?

– બદામને આખી રાત પાણીમાં પલાળીને રાખો અને સવારે તેની છાલ દૂર કરી દો. આ બદામને મિક્સર જારમાં લઈને ક્રશ કરીને પેસ્ટ તૈયાર કરી લો. આ પેસ્ટને દૂધમાં ઉમેરીને બાળકને આપી શકો છઓ.
– સફરજનને ક્રશ કરીને તેમાં આ પેસ્ટ ઉમેરીને પણ બાળકને આપી શકો છો.

બાળકને બદામ ખવડાવવાના ફાયદા

– બાળકના મગજના વિકાસ માટે જરૂરી એવા તમામ પોષક તત્વો બદામમાં હોય છે. તેમાં રહેલું રાઈબોફ્લેવિન અને એલ-કારનિટિન મગજની ક્રિયાઓને ઉત્તેજિત કરે છે. બદામ મગજ તેલ કરે છે અને આગળ જઈને અલ્ઝાઈમર જેવા રોગોથી દૂર રાખે છે.
– બદામાં ઉચ્ચમાત્રામાં ફાઈબર હોય છે, જે બાળકને કબજિયાતથી બચાવે છે અને બાળકનું પાચનતંત્ર મજબૂત કરે છે.
– આ ડ્રાયફ્રૂટમાં પૂરતી માત્રામાં ફોસ્ફરસ હોય છે, જેનાથી બાળકના હાડકા અને દાંતના વિકાસમાં મદદ મળે છે.
– બદામ એન્ટી-ઓક્સિડેન્ટ યુક્ત હોય છે અને તેની અલ્કેલાઈન પ્રકૃતિ શરીરને વિષાક્ત પદાર્થોથી છુટકારો અપાવવામાં મદદ કરે છે, જેનાથી બાળકની ઈમ્યુનિટી વધે છે.

શું બદામ ખાવાથી નુકસાન પણ થાય?

જો તમે રોજ થોડો ફેરફાર કરીને બદામ ખવડાવશો તો તેની કોઈ આડઅસર નહીં થાય. જો તમારા બાળકને બદામની એલર્જી છે તો તેને ન ખવડાવશો. આ સ્થિતિમાં બદામની જગ્યાએ અખરોટ, પિસ્તા, મગફળી અને કાજૂ આપો.

source https://www.iamgujarat.com/health-news/how-to-give-almonds-to-6-month-baby-563394/