પ્રેગ્નન્સીમાં એનીમિયાથી માતા અને ગર્ભ પર રહે છે સંકટ, બચવા માટે આટલું કરો

મોટાભાગે ગર્ભાવસ્થા દરમિયાન થાય છે આ સમસ્યા

ગર્ભાવસ્થા દરમિયાન મહિલાઓને સૌથી વધુ ખતરો હોય છે એનીમિયાનો. એનીમિયા બીમારીમાં શરીરમાં લોહીની ઉણપ સર્જાય છે. ગર્ભાવસ્થા દરમિયાન શિશુના વિકાસ માટે શરીરમાં વધારેમાત્રામાં લોહીની જરુરિયાત રહે છે. આ દરમિયાન જો તમે આયરન અને અન્ય પોષકતત્વોને યોગ્ય રીતે નથી લેતા તો શરીરમાં વધુમાત્રામાં લોહી બનાવા માટે જરુરી લાલ રક્ત કોશિકાઓનું નિર્માણ અટકી શકે છે. પ્રેગ્નેન્સીમાં એનીમિયા સર્વસામાન્ય બાબત હોય છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

પ્રેગ્નન્સીમા એનીમિયાનું કારણ

આમ તો એનીમિયા લગભગ 400 પ્રકારના હોય છે. પરંતુ અહીં આપણે એનીમિયાના સૌથી સામાન્ય પ્રકાર અંગે વાત કરવા જઈ રહ્યા છે. જેને સૌથી વધુ જોવા મળે છે.

આયરન ડેફિશિયન્સી એનીમિયા

 

15થી 25 વર્ષની ગર્ભવતી મહિલાઓમાં આયરન ડેફિશિયન્સી એનીમિયા એક સર્વસામાન્ય બાબત છે. તેમાં આયરનનું સ્તર ઓછું હોવાના કારણે લોહીમાં હિમોગ્લોબિનનું સ્તર ઘટે છે.

ફોલેટ ડેફિશિયન્સી એનીમિયા

પ્રેગ્નન્સીમાં ખૂબ જ વધારે માત્રામાં ફોલિક એસિડ લેવાની જરુર પડે છે. જે ગર્ભમાં રહેલા સંતાનને ન્યુરલ ટ્યુબ વિકારોથી બચાવે છે. ફોલેટની ઉણપ સર્જાતા આ એનીમિયા થાય છે.

વિટામીન બી12 ડેફિશિયન્સી

લાલ રક્ત કોશિકાઓના નિર્માણ માટે શરીરમાં વિટામિન બી12 જરુરી છે. કેટલીક મહિલાઓમાં વિટામિન બી12 બનવામાં સમસ્યા આવે છે. જેના કારણે આ પ્રકારનો એનીમિયા થાય છે. મોટાાગે વિટામિન બી12 ડેફિશિયન્સી અને ફોલેટ ડેફિશિયન્સી એનિમીયા એકસાથે જોવા મળે છે.

પ્રેગ્નન્સીમાં એનીમિયાના લક્ષણ

ગર્ભાવસ્થામાં એનીમિયાના લક્ષણ આ પ્રકારે છે

– ત્વાચા, હોંઠ અને નખ પીળા પડવા
– થાક અને નબળાઈ લાગવી
– શ્વાસ લેવામાં મુશ્કેલી થવી
– હૃદય ધબકવાની સ્પીડ વધવી
– ધ્યાન લગાવવામાં મુશ્કેલી

પ્રાથમીક ચરણ એનીમિયાના કોઇપણ લક્ષણ દેખાય તેવું જરુરી નથી. તેની વહેલી ઓળખ માટે નિયમિત સમયે બ્લડ ટેસ્ટ કરાવતા રહો.

ગર્ભાવસ્થામાં કોને હોય છે એનીમિયાનો ભય

જો તમારા ગર્ભમાં જોડિયા એટલે કે ટ્વિન્સ બાળકો હોય. પ્રેગ્નન્ટ થવાના થોડા સમય પહેલા જ તમારી ડિલિવરી થઈ હોય અને સંતાનને જન્મ આપ્યો હોય. જમવામાં પૂરતી માત્રામાં આયરનની ઉણપ, પ્રગ્નન્સી પહેલા પીરિયડમાં વધુ માત્રામાં લોહી આવવું. મોર્નિંગ સિકનેસના કારણે રોજ ઉલ્ટી થવાની સમસ્યા હોય તેવી મહિલાઓમાં એનીમિયાનો ભય વધુ રહે છે.

પ્રેગ્નન્સીમાં એનીમિયાની સારવાર

જો ગર્ભાવસ્થા દરમિયાન તમને એનીમિયા હોય તો તમારે આયરન અથવા ફોલિક એસિડના સપ્લિમેન્ટ લેવા જોઈએ. ડોક્ટર્સ તમને જણાવશે કે આ બંને વસ્તુની પૂર્તી માટે તમારી ડાયેટમાં ક્યા ખાદ્ય પદાર્થોને સામેલ કરવા જોઈએ. વિટામિન બી12ની ઉણપ હોય ત્યારે ડોક્ટર તમને વિટામિન બી12 સપ્લીમેન્ટ માટેકહે છે.

બચવા માટે કરો આ ઉપાય

જો તમે ગર્ભવતી છો અથવા ગર્ભ ધારણ કરવા અંગે પ્લાન કરી રહ્યા છો તો તમારે પૂરતી માત્રામાં આયરન, ફોલિક એસિડ અને વિટામિન બી12 જેવા પોષક તત્વોને તમારા ખોરાકમાં સામેલ કરી લેવા જોઈએ. પૌષ્ટીક આહાર લો અને એનીમિયા જેવા લક્ષણ દેખાય તો તુરંત ડોક્ટરની મુલાકાત લેવી જોઈએ. ગર્ભાવસ્થામાં એનીમિયાથી બાળકને અનેક પ્રકારના નુકસાન થઈ શકે છે. તમે કંસીવ કરતા પહેલા જ પ્રીનેટલ વિટામિન દ્વારા આ જોખમને ઓછું કરવા માટે પ્રયાસ કરી શકો છો.

source https://www.iamgujarat.com/health-news/anemia-during-pregnancy-is-very-common-how-to-deal-with-it-565473/