પેટની રુંવાટીને લીધે સાડી પહેરવામાં સંકોચ થાય છે? આ ઘરેલુ ઉપચારો કરશે મદદ

પેટની રુંવાટી દૂર કરવાના સરળ ઉપાય

ઘણી યુવતીઓને સાડી પહેરવાનો શોખ હોય છે પરંતુ પેટ પરની રુંવાટી શરમમાં મૂકતી હોવાના કારણે આમ કરવાનું ટાળે છે. રુંવાટી માત્ર હાથ-પગ પર જ નહીં પીઠ અને પેટ પર પણ હોય છે. ઘણીવાર હોર્મોન્સના કારણે પણ આમ થતું હોય છે. જો તમે ઈચ્છો તો પાર્લરમાં ગયા વિના ઘરે જ પેટ પરની રુંવાટી દૂર કરી શકો છો. કેટલાક ઘરેલુ ઉપચારો પેટ પરની રુંવાટી દૂર કરવામાં મદદ કરી શકે છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ખાંડ, લીંબુ અને મધનું મિશ્રણ

સામગ્રી- 1 મોટી ચમચી ખાંડ, 1 ચમચી મધ, 1 ચમચી લીંબુનો રસ અને વેક્સિંગ સ્ટ્રીપ.

રીત- આ રીત તમારી નિયમિત વેક્સિંગ જેવી જ પ્રક્રિયા છે. આ પેસ્ટ બનાવવા માટે આ તમામ સામગ્રીને ધીમી આંચે એક વાટકામાં ગરમ કરવા મૂકો. ચોંટે તેવી જેલ બને ત્યાં સુધી ગરમ થવા દો. આ મિશ્રણને થોડું ઠંડું પડવા દો. પછી આઈસ્ક્રીમ સ્ટીકનો ઉપયોગ કરીને આ મિશ્રણને પેટ પર લગાવો. બાદમાં વેક્સિંગ સ્ટ્રીપથી વિરુદ્ધ દિશામાં ખેંચો. આ પ્રકારે બધા જ વાળ કાઢી લો.

હળદર અને બેસન

સામગ્રી- 1 મોટી ચમચી બેસન, 1 ચમચી દહીં અને 1 ચમચી હળદર

રીત- આ બધી સામગ્રીને ભેગી કરીને ચીકણી પેસ્ટ બનાવી લો. આ પેસ્ટને આખા પેટ પર ચોપડો. 20 મિનિટ સુધી સુકાવા દો. બાદમાં ઘસી-ઘસીને કાઢી નાખો. જ્યાં સુધી પરિણામ ન મળે ત્યાં સુધી દર આંતરે દિવસે આ પ્રયોગ કરવો.

પપૈયું

સામગ્રી- કાચા પપૈયાનો 1 મોટો ટુકડો, હળદર 1 ચમચી

રીત- સૌથી પહેલા પેટ પરના વાળને ટ્રીમ કરી લો. પપૈયાના ટુકડાને વાટી લો અને તેમાં હળદર મિક્સ કરો. 15 મિનિટ આ પેસ્ટને પેટ પર લગાવીને ગોળાકાર રીતે સ્ક્રબ કરો. ત્યારબાદ ધોઈ લો. સારા પરિણામ માટે નહાતા પહેલા રોજ આ પ્રયોગ કરો.

હળદર

સામગ્રી- 1 ચમચી હળદર, 1 ચમચી દૂધ

રીત- આ બંને સામગ્રીને મિક્સ કરો અને ચીકણી પેસ્ટ બનાવી લો. આ પેસ્ટને પેટ પર લગાવો. 15 મિનિટ સુધી સૂકાવા દો. પછી તેના પર સહેજ પાણી લગાવો અને સર્ક્યુલર મોશનમાં ઘસો. આ રીતે પેટ પરની રુંવાટી દૂર કરી શકો છો.

source https://www.iamgujarat.com/health-news/how-to-remove-extra-hair-on-stomach-566509/