તમારા બાળકોને આટલું શીખવાડી દો, કોરોના તેમની નજીક પણ નહીં ફરકે
બાળકો અને વૃદ્ધ માટે કોરોના વધુ ખતરનાક હોવાનું મનાય છે
એ વાત તો સ્પષ્ટ છે કે, કોરોના કોઈપણ ઉંમરની વ્યક્તિને સંક્રમિત કરી શકે છે. આ વાયરસ બાળકો અને વૃદ્ધો માટે વધુ ખતરનાક માનવામાં આવી રહ્યો છે, કેમકે તેમની રોગ પ્રતિકારક ક્ષમતા યુવાનો કરતા ઓછી હોય છે. જો તમારી આસપાસ કોઈને પણ કોરોના થયો હોય તો તમે આ સંક્રમણથી તમારા બાળકોને કઈ રીતે બચાવી શકો છો…
આવા બાળકો ગંભીર સ્થિતિમાં જઈ શકે છે
કોઈ વાયરસ કોઈપણ વ્યક્તિ કે બાળકના શરીર પર કઈ રીતે પ્રભાવ કરશે, તે સવાલ પર બધા કેસમાં એક જ જવાબ આપી શકાય નહીં. કેમકે, તે વ્યક્તિની રોગ પ્રતિરોધક ક્ષમતા પર નિર્ભર કરે છે. પરંતુ એવા બાળકો અને વૃદ્ધો કોરોનાના કારણે વધુ ગંભીર સ્થિતિમાં જઈ શકે છે, જે પહેલેથી જ કોઈ બીમારીની ઝપેટમાં છે. આ સ્થિતિમાં તેમને વધારાની દેખરેખ અને સાવધાની રાખવી પડે છે.
બાળકોમાં જોવા મળ્યો દુર્લભ સિન્ડ્રોમ: યુનિસેફ
કોરોના બાળકો પર કઈ રીતે અસર કરે છે, તેને લઈને હજુ કેટલીક રેર રિપોર્ટ જ સામે આવ્યા છે. એવો જ એક રિપોર્ટનો ઉલ્લેખ યુનિસેફે પોતાની વેબસાઈટ પર કહ્યું છે કે, બાળકો અને કિશોરોમાં ગત દિવસોમાં એક ગંભીર પરંતુ દુર્લભ મલ્ટીસિસ્ટમ ઈન્ફ્લેમેટરી સિન્ડ્રોમની જાણકારી સામે આવી રહી છે. એ વાતની શક્યતા છે કે બાળકોમાં જોવા મળી રહ્યું છે કે, આ સિન્ડ્રોમ કોવિડ-19 સાથે સંલગ્ન છે.
બાળકોમાં જોવા મળ્યા છે આવા લક્ષણો, પણ…
કેમકે, કોઈ એક વાયરસના લક્ષણ અલગ-અલગ ઉંમરના લોકોમાં સમાન હોઈ શકે છે, પરંતુ મર્યાદિત નહીં. બાળકોમાં જોવા મળી રહેલા સંક્રમણની વાત કરીએ તો સતત અને ભારે તાવ આવવો, આંખો લાલ કે ગુલાબી દેખાવી, આંખોમાં સોજો આવવો તેમજ હોઠ, જીભ, હાથ અને પગ પર લાલ નિશાન થવા તેના લક્ષણો છે. સાથે જ પાચન સંલગ્ન સમસ્યા થવી, બીપી લો થવી અને શરીરમાં સોજા જેવી સમસ્યા પણ થઈ શકે છે. જે બાળકોમાં આ પ્રકારના લક્ષણ છેલ્લા કેટલાક મહિના દરમિયાન જોવા મળ્યા, તેમાંથી ઘણા બધા બાળકોનો કોરોના ટેસ્ટ પણ પોઝિટિવ આવ્યો છે.
લક્ષણોને લઈને કોઈ નક્કર દાવો કરવો છે મુશ્કેલ
જોકે, તેમ છતાં પૂરા દાવા સાથે કહી શકાય નહીં કે, બાળકોના શરીરમાં આ બધા લક્ષણ કોરોનાના કારણે જ નજર આવી રહ્યા છે કે પછી કોરોના વાયરસ આ લક્ષણો દ્વારા પોતાનો પ્રભાવ બતાવી રહ્યો છે. બાળકોમાં દેખાઈ રહેલા આ પ્રકારના લક્ષણોની જાણકારી હાલમાં તો નોર્થ અમેરિકા અને યુરોપથી આવી રહી છે. એ અંગે હજુ કોઈ જાણકારી નથી કે દુનિયાના અન્ય ભાગોમાં પણ બાળકોને આ પ્રકારની સમસ્યા થઈ રહી છે કે નહીં. યુનિસેફ તરફથી કહેવાયું છે કે, જો કોઈપણ બાળકોમાં આ પ્રકારના લક્ષણ જોવા મળે તો તેને તાત્કાલિક મેડિકલ ચેકઅપ માટે લઈ જાઓ. જોક, પ્રારંભિક સ્તર પર આ બીમારીની તપાસ મુશ્કેલ છે. પરંતુ શરૂઆતના સ્તર પર મળેલા રિપોર્ટસના આધાર પર આ બીમારીને વધવાથી અને સોજો ફેલાતો રોકી શકાય છે.
બાળકોને આટલું શીખવો
બાળકો ગમે તેટલા તોફાની કેમ ન હોય, પરંતુ નવી બાબતો શીખવા અને સમજવાની તેમની સ્પીડ મોટા લોકોની સરખામણીમાં મોટાભાગે સારી હોય છે. એટલે બાળકોને કોરોના વિશે અને તેની ગંભીરતા વિશે જરૂર બતાવો.
– બાળકોને માસ્કની ઉપયોગીતા, માસ્ક પહેરવું કેમ જરૂરી છે અને તે કોરોનાથી આપણને કઈ રીતે બચાવે છે, જેવી વાતો સમજાવો. વિશ્વાસ રાખો, બાળકો તમારી બધી વાતોને ગંભીરતાથી સમજશે. બસ, તેમને વારંવાર યાદ અપાવતા રહો.
– બાળકને જમતા પહેલા હાથ ધોવાનું અને ચહેરાને લૂછતા પહેલા હાથ સેનિટાઈઝ કરવા વિશે જણાવો. બાળકને એક પોકેટ સેનિટાઈઝર લાવીને આપો. જેને તે પોતાની સાથે રાખી શકે અને જરૂર પડવા પર ઉપયોગ કરે.
– બાળક જો ફાસ્ટ ફૂડની જીદ કરે તો તેને આ ફૂડથી થનારા નુકસાન અને કોરોના સંક્રમણ ફેલાવાની આશંકા વિશે જણાવો. બાળકોને હેલ્ધી ડાયટ અને તેનાથી થનારા લાભની પણ વિગતવાર જાણકારી આપો.
બાળકોમાં કોવિડના લક્ષણ દેખાય તો શું કરવું?
– જો બાળકને ઉધરસ અને તાવની સમસ્યા થઈ રહી છે, તો ડરશો નહીં. ધ્યાન રાખો કે આ લક્ષણ કોમન કોલ્ડ અને ફ્લૂના પણ હોય છે. પરંતુ, આ સ્થિતિમાં પણ હાઈજીનનું પુરું ધ્યાન રાખો. તમે પોતે પણ માસ્ક પહેરો અને બાળકને પણ માસ્ક પહેરાવો.
– બાળકને તેની ઉંમર મુજબ એ બધી દવા આપો, જે તેને વાયરસ અને બેક્ટેરિયાના કારણે ફેલાતી બીમારીથી બચાવે. બાળકોનું યોગ્ય સમયે અને યોગ્ય રીતે વેક્સીનેશન કરાવવામાં આવે તો તેને ઘણી બધી સીઝનલ બીમારીઓથી બચાવી શકાય છે.
source https://www.iamgujarat.com/health-news/tips-to-protect-children-from-coronavirus-563257/
Comments
Post a Comment