આ કારણે આવે છે ખાટા ઓડકાર, જમતી વખતે આટલું ધ્યાન રાખશો તો નહીં થાય સમસ્યા

ઓડકાર આવવા સામાન્ય પ્રક્રિયા છે. પરંતુ ઓડકારની સાથે કડવું અને બળતરા થાય તેવું પ્રવાહી ગળામાં આવવા લાગે તો હાલત ખરાબ થાય છે. આના કારણે હળા, પેટ અને છાતીમાં બળતરા થતી હોય તેવું લાગે છે. શારીરિક પ્રવૃત્તિના કારણે પણ ઘણીવાર ઓડકાર આવતા હોય છે. તેનું કારણ છે પેટમાં વધેલું વેક્યૂમ. ઓડકાર સ્વસ્થ હોય તો સમજવું કે પાચન બરાબર થઈ રહ્યું છે. વધતા લોહીના પ્રવાહના કારણે આ ક્રિયા ઝડપી બને છે જેના લીધે પેટની સામાન્ય પ્રક્રિયા ડિસ્ટર્બ થાય છે અને પાચન ઝડપી બને છે. આ પ્રક્રિયા દરમિયાન પેટમાં થોડો વેક્યૂમ બને છે, જે ઓડકાર રૂપે બહાર આવે છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

ખાટા ઓડકારનું કારણ

ઓડકાર સામાન્ય હોય તો ચિંતાજનક નથી પરંતુ સતત ઓડકાર આવે અને ગેસ પણ નીકળતો હોય તો સમજવું કે પેટમાં અધિક પ્રમાણમાં ગેસ બની રહ્યો છે. ઘણીવાર કંઈક આડઅવળું ખાઈ લેવા કારણે પણ ગેસ બને છે. જ્યારે ઓડકાર સાથે ગળામાં એસિડ આવવા લાગે તો આ સ્થિતિને એસિડિક બર્પ અથવા ખાટો ઓડકાર કહેવાય છે. જેના કારણે પેટમાં ચૂંક આવે છે અને ગળામાં બળતરા થાય છે.

ઓડકારના કારણ

જો ભૂખના કારણે ગેસ બનતો હોય તો કંઈક ખાઈ લેવું જોઈએ. જો કે, એકસાથે ઘણું બધું અને ભારે ખોરાક લેવાથી પાચનમાં તકલીફ થઈ શકે છે. કારણકે અત્યાર સુધી ભૂખના લીધે તમારું પાચનતંત્ર ધીમી ગતિએ કામ કરતું હતું. એવામાં તમે ઘણી વસ્તુઓ ખાવ છો ત્યારે પાચનતંત્રનું કામ વધી જાય છે. એટલે જ જ્યારે બહુ ભૂખ લાગે ત્યારે હળવો ખોરાક લેવો. ફરી ભૂખ લાગે તો બીજી વખત ખાવું. આમ કરવાથી પાચન દુરસ્ત રહેશે અને ખોરાકનું પોષણ મળશે.

શું ના કરવું?

જ્યારે ખૂબ ભૂખ લાગી હોય ત્યારે વધારે પાણી ના પીવું. આ પેટના દુખાવાનું કારણ બની શકે છે. સાથે જ વારંવાર બાથરૂમ જવું પડી શકે છે. ભૂખ લાગી હોય તો લાંબા સમય સુધી સહન ના કરવી નહીં તો પેટમાં દુખાવો અથવામાં માથાનો દુખાવો થઈ શકે છે. આ દુખાવાનું કારણ ખાલી પેટમાં બનતો ગેસ છે.

ઓડકારના સંકેત સમજો

– બહુ ભૂખ લાગે ત્યારે તમે જે કંઈપણ ખાવ છો તો તેની 5-10 મિનિટમાં જ અથવા તો ખાતી વખતે જ ઓડકાર આવી જાય છે. આ ઓડકાર આવ્યા પછી લગભગ 30 મિનિટ બ્રેક લેવો જોઈએ. ત્યારબાદ બીજી વખત કંઈ ખાઈ શકો છો.

– આ ઓડકાર એ વાતનો સંકેત છે કે પેટ ખાલી નથી અને પાચનતંત્રને ડાઈજેશન માટે ભોજન મળી ગયું છે. માટે પાચનતંત્રને પહેલા આ ભોજન પચાવવા માટે સમય આપો, સ્પીડ પકડવા દો પછી બીજુ કંઈ ખાવ.

– જો તમે ઓવર ઈટિંગ કરતા હશો તો પેટમાં બનનાર ગેસ માથાના દુખાવાનું કારણ બની શકે છે અથવા વારંવાર ખાટા ઓડકાર આવી શકે છે. આનાથી બચવા માટે ખાવા પર નિયંત્રણ રાખવું જરૂરી છે.

source https://www.iamgujarat.com/health-news/reasons-for-acidic-burp-and-remedies-for-this-565907/