લાંબા સમય સુધી માસ્ક પહેરી રાખો છો? તો આ રીતે ટાળો સ્કિન ડેમેજ થવાનો ખતરો

લાંબા સમય સુધી માસ્ક પહેરો છો?

લોકડાઉનમાં ભલે રાહત મળી ગઈ હોય પરંતુ માસ્ક પહેરવામાંથી મળી નથી. શોપિંગ મોલ્સ, જાહેર સ્થળો તેમજ ઓફિસમાં પણ માસ્કને ફરજિયાત કરાયું છે. માસ્ક તમને કોવિડ-19ના ખતરાથી બચાવે છે પરંતુ જો એક કલાક કરતા વધારે સમય સુધી તેને પહેરી રાખવામાં આવે તો તે સ્કિન માટે નુકસાનદાયી સાબિત થઈ શકે છે. જો કે, ચિંતા કરવાની જરૂર નથી માસ્ક પહેરીને પણ તમે તમારી સ્કિનને હેલ્ધી રાખી શકો છો.

માસ્ક સતત પહેરી રાખો તો શું થાય?

લાંબા સમય સુધી માસ્ક પહેરવાથી દબાણના કારણે નિશાન પડી જાય છે. આ સિવાય એલર્જી, ખંજવાળ અને ફંગલ ઈન્ફેક્શન પણ થાય છે. ‘તમારા નાકની દાંડી, મોંનો ભાગ અને કાનને સૌથી વધારે અસર થવાનો ખતરો રહે છે. જ્યારે આપણે માસ્ક પહેરીએ છીએ ત્યારે શ્વાસની સાથે-સાથે પરસેવો અને ઓઈલ ભળે છે. જે સ્કિનના pH લેવલને ઓછું કરે છે. જેના કારણે તમે અનકમ્ફર્ટેબલ અનુભવો છો અને અંદરોઅંદર તમને અકળામણ જેવું થાય છે’, તેમ મેકઅપ ડિઝાઈનર ગૌરી બોઝે કહ્યું.

માસ્ક આપણે પહેરવું જ પડે તેવો સમય છે. સિન્થેટિક માસ્ક તમારી સ્કિનને ડેમેજ કરી શકે છે. ‘સતત માસ્ક પહેરવાથી નાક પર ઉજરડા પડી જાય છે અને હોઠ ડ્રાય થઈ જાય છે’, તેમ બ્યૂટી એન્ડ સ્કિન એક્સપર્ટ જોલી ચંદાએ કહ્યું.

માસ્કનું કાપડ કેવું છે તે પહેલા ચકાસો

સ્ટડી મુજબ, માસ્ક ખરીદતી વખતે ખૂબ જ કાળજી રાખવી રાખવી જોઈએ. માસ્કનું મટીરિયલ તમારી સ્કિનને સૂટ કરે છે કે નહીં તે પણ જોવું. આ સિવાય તે સરળતાથી પરેસેવો ચૂસી લે તેવું હોવું જોઈએ. સિલ્ક, ડેનિમ અને સેન્થેટિક માસ્ક પહેરવું નહીં.

સ્કિનને ડેમેજ થતી આ રીતે બચાવો

માસ્ક ડિઝાઈનને ચેન્જ કરતા રહોઃ એકદમ ફિટ બેસી રહે તેવું માસ્ક પહેરવું નહીં. રોજ-રોજ માસ્ક ચેન્જ કરવું. માસ્કની ડિઝાઈન પણ અલગ હોવી જોઈએ.

સનસ્ક્રીન અને મોઈશ્ચરાઈઝરનો ઉપયોગ

નોર્મલ તેમજ ઓઈલી સ્કિન ધરાવનારે SPF 40 યૂઝ કરવું જોઈએ જ્યારે ડ્રાય સ્કિનવાળાએ મોઈશ્ચરાઈઝર લગાવવું. સન પ્રોટેક્શન ક્રીમ ઘર બહાર નીકળો તેની 45 મિનિટ પહેલા લગાવવું. જો તમે ઓફિસમાં છો કો ટિશ્યૂથી ચહેરો સાફ કર્યા બાદ થોડું મોઈશ્ચરાઈઝર લગાવવું.

વાતચીત કરતી વખતે ફેસ શીલ્ડ પહેરો

જે લોકો અત્યારે પણ લાંબા સમય સુધી ઓફિસમાં બેસી રહે છે તેમણે વ્યવસ્થિત રીતે શ્વાસ લેવા માટે ફેસ શીલ્ડ પહેરવું. પબ્લિક ટ્રાન્સપોર્ટમાં પણ તેનો ઉપયોગ કરવો.

તમારા માસ્કને રોજ સેનિટાઈઝ કરો

ડિસ્પોઝેબલ માસ્ક આમ તો વધારે સારું છે. પરંતુ જો તમે કોટન માસ્ક પહેરતા હો તો રોજ તેને સાબુ-પાણીથી સાફ કરો.

સ્કિનને હાઈડ્રેટ રાખો

માત્ર પાણી પીવું પૂરતું નથી. સારી ક્વોલિટીનું ક્લીન્ઝર અને ટોનર વાપરો. ઘરેલુ ઉપાય પણ કરી શકો. જેમ કે તમે ટામેટાનો જ્યૂસ પી શકો છો. આ સિવાય દબીં અને મુલ્તાની માટીમાંથી બનાવેલું ફેસ પેક વાપરી શકો છો. કાકડીનો જ્યૂસ પણ તમારી સ્કિન સ્મૂધ બનાવશે. આ સિવાય પેટ્રોલિયમ જેલી પણ લગાવી શકો છો.

source https://www.iamgujarat.com/health-news/do-you-wear-mask-for-long-hours-here-is-how-to-protect-skin-566878/