કોરોના મહામારીઃ શું કાર ડ્રાઈવ કરતી વખતે માસ્ક પહેરવું જોઈએ?

કાર ડ્રાઈવ કરતી વખતે માસ્ક પહેરવું જોઈએ?

આપણે સૌ જાણીએ છીએ કે, ઘર બહાર નીકળતી વખતે માસ્ક પહેરવું જરૂરી છે. પરંતુ કાર ડ્રાઈવ કરતી વખતે માસ્ક પહેરવું જોઈએ કે નહીં તે સૌથી મોટો અને અગત્યનો સવાલ છે. જો કે, આ આમ તો એક વ્યક્તિગત ચોઈસ છે. તેમ છતાં આ સવાલનો જવાબ જાણવો જરૂરી છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

શું કરવું જોઈએ?

કાર ડ્રાઈવ કરતી વખતે તમારા મોં અને નાકને ઢાંકવું જોઈએ કે કેમ તે સંપૂર્ણ રીતે પરિસ્થિતિ પર નિર્ભર છે. જ્યારે તમે કારમાં એકલા હો તો માસ્ક પહેરવાની જરૂર નથી. જો કે, જો તમે બીજા કોઈ વ્યક્તિ સાથે મુસાફરી કરી રહ્યા છો અને તે તમારા કુટુંબનો સભ્ય નથી અથવા એવી કોઈ વ્યક્તિ કે જે તમારી સાથે રહેતી નથી તો આવી સ્થિતિમાં સંક્રમણથી બચવા માટે માસ્ક પહેરવું જરૂરી છે.

– આ સિવાય, જો તમે બીમાર છો અથવા જેની કોઈ બીમાર વ્યક્તિ સાથે મુસાફરી કરી રહ્યા છો તો તમારે અચૂક માસ્ક પહેરવું જોઈએ.

ખૂબ જ ચેપી વાયરસ

આ વાયરસની ખૂબ જ ચેપી પ્રકૃતિ અને વિશ્વવ્યાપી વધતા જતાં કેસોના કારણે તમે બહાર નીકળો ત્યારે ચિંતા થાય તે સામાન્ય છે. તેથી, જો તમે માસ્ક પહેરીને ડ્રાઈવ કરવા માગો છો તો પણ ઠીક છે. જો તમે લાંબી સફરે નથી જઈ રહ્યા તો પણ માસ્ક પહેરી શકો છો. પરંતુ તે વાતનું ધ્યાન રાખો કે, જ્યારે તમે માસ્ક પહેરો ત્યારે તેને અડશો નહીં.

આ વાતનું રાખો ધ્યાન

કારની અંદર માસ્ક પહેરવામાં કોઈ નુકસાન નથી. પરંતુ જો તમે પહેરો તો કેટલીક બાબતોની સાવચેતી રાખવી જરૂરી છે. જેમ કે, ડ્રાઈવિંગ કરતી વખતે માસ્ક પહેરવાથી વિઝન ઓછું થઈ શકે છે. તેથી માસ્ક પહેરો તો યોગ્ય રીતે પહેરો. મોં અને નાક ઢંકાય તે રીતે માસ્ક પહેરવું નહીં કે અડધી આંખ ઢંકાય તે રીતે.

source https://www.iamgujarat.com/health-news/coronavirus-should-you-wear-a-mask-while-driving-your-car-572721/